На самалётныя квіткі паміж Мінскам і Масквой могуць увесці фіксаваныя цэны
У такім выпадку цэны на пералёты не мяняюцца цягам года.
Беларусь і Расія вывучаюць магчымасць увядзення так званых «плоскіх» тарыфаў на авіяпералёты паміж дзвюма краінамі. Першапачаткова яны могуць з'явіцца на маршруце Мінск — Масква, паведаміў «Інтэрфаксу» пасол Беларусі ў Расіі Дзмітрый Круты.
Сутнасць «плоскіх» тарыфаў у тым, што цэны на пералёты ў эканомкласе на працягу года не мяняюцца ў залежнасці ад даты і сезону, а з'яўляюцца фіксаванымі. Цяпер у Расіі такая праграма дзейнічае ў «Аэрафлота» пры палётах у Калінінград і на Далёкі Усход.
Беларусь зацікаўлена ў такой праграме, кажа Дзмітрый Круты. Але пакуль зрабіць гэта не дазваляе заканадаўства, паколькі гаворка ідзе аб субсідаванні такіх рэйсаў.
Паводле слоў беларускага пасла, гэтая ж праблема не дазваляе Мінску субсідаваць з муніцыпальнага бюджэту пералёты ў гарады-пабрацімы: Ульянаўск і Мурманск, хоць сталічныя ўлады гатовыя на гэта пайсці.
Таму цяпер Масква і Мінск вывучаюць заканадаўчыя абмежаванні. І магчыма, да канца года з'явіцца або нейкае міжурадавае пагадненне, або нарматыўны акт Саюзнай дзяржавы, які гэтыя пытанні здыме.
Лукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары