Вайна22

У Фінляндыі затрымалі былога вагнераўца, які прасіў прытулку. Ён ваяваў у Бахмуце

Раней гэты Яўген даваў інтэрв'ю расійскім прапагандыстам і сцвярджаў, што добраахвотна паехаў ваяваць у 2022 годзе.

Скрыншот відэа

На тэрыторыі Фінляндыі затрымалі былога найміта расійскай прыватнай вайсковай кампаніі «Вагнер», які папрасіў прытулку ў краіне. Пра гэта гаворыцца ў публікацыі Yle, паведамляе «Еўрапейская праўда».

Фінская памежная служба раней паведамляла пра мужчыну, які 17 чэрвеня перасёк мяжу паблізу горада Кітэі ў Паўночнай Карэліі. Паводле інфармацыі Yle, пацверджанай некалькімі крыніцамі, мужчына — расійскі вайсковец Яўген.

Мужчына перасёк фінскую мяжу ў раёне Вяліваара. Гэты ўчастак размешчаны ў лясістай мясцовасці і не перагароджаны памежным плотам.

Паводле звестак Yle, памежнікі знайшлі мужчыну дзякуючы спрацоўванню датчыкаў і затрымалі яго адразу пасля перасячэння мяжы.

Ён папрасіў у Фінляндыі міжнароднай абароны і цяпер знаходзіцца ў цэнтры часовага ўтрымання.

Скрыншот відэа

Расеец публікаваў у сацсетках фатаграфіі і відэазапісы, якія пацвярджаюць яго ўдзел у вайне супраць Украіны. На некаторых з гэтых матэрыялаў бачная нашыўка «Вагнера» на яго форме.

У інтэрв'ю расійскім прапагандысцкім каналам Яўген расказваў пра баі ва Украіне і сцвярджаў, што добраахвотна ўступіў у войскі РФ у 2022 годзе, прайшоў падрыхтоўку ў складзе «Вагнера» і ўдзельнічаў у аперацыях у Бахмуце.

У адным з інтэрв'ю Яўген расказвае, як ягонае падраздзяленне знішчыла аўтамабіль з украінскімі вайскоўцамі ў Селідаве.

З восені 2024 года ён знік з публічнага поля, а ўжо ў лютым 2025 года апублікаваў відэа, у якім рэзка раскрытыкаваў расійскае камандаванне.

30 чэрвеня Яўген зноў апублікаваў у сацсетцы «Укантакце» відэа з крытыкай расійскага вайсковага кіраўніцтва. Па даных Yle, на момант публікацыі гэтага відэа мужчына ўжо знаходзіўся ў Фінляндыі.

Цэнтральная крымінальная паліцыя праводзіць папярэднюю праверку ў дачыненні да яго. Падчас праверкі паліцыя ацэньвае, ці ёсць падставы для пачатку крымінальнага расследавання.

На дадзены момант фінскія ўлады не падазраюць Яўгена ў здзяйсненні ваенных злачынстваў.

У сакавіку акруговы суд Хельсінкі прызнаў заснавальніка і былога камандзіра вайсковай групоўкі «Русіч» Воіслава Тордэна (Яна Пятроўскага) вінаватым ва ўчыненні ваенных злачынстваў ва Украіне і прысудзіў яго да пажыццёвага зняволення.

У лютым мінулага года Тордэна прысудзілі ў Фінляндыі да двух гадоў турэмнага зняволення за двухразовае парушэнне забароны на ўезд.

Каментары2

  • Кук
    12.07.2025
    Выдаць яго украіне - хай памяняюць на палоннага украінца, ально пасадзяць
  • ПППППП
    13.07.2025
    Предоставить ему убежище лет на 20-25. А что-бы никто не обидел - снаружи поставить охрану. [Рэд. Выдалена]

    [Зрэдагавана]
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Беларус раптоўна і без дай прычыны знік у 2006 годзе, а праз 19 гадоў знайшоўся ў вёсцы пад Смаленскам2

Беларус раптоўна і без дай прычыны знік у 2006 годзе, а праз 19 гадоў знайшоўся ў вёсцы пад Смаленскам

Усе навіны →
Усе навіны

У самым паўночным горадзе Швецыі перавозяць на іншае месца больш чым стогадовую царкву2

МЗС Беларусі адмяніў жывую чаргу па апастыль у Мінску. Цяпер трэба запісвацца загадзя2

Трамп адмовіўся ад сустрэчы з Пуціным у Маскве4

Трамп дасягнуў межаў свайго свету фантазій. Куды ён адправіцца далей?17

Апублікавалі ВІДЭА, як у Курскай вобласці падбілі расійскага генерала2

Швейцарыя гатовая даць Пуціну імунітэт для прыезду на перамовы6

У Жлобіне заўважылі, што з комінаў БМЗ рэдка ідзе дым2

У інтэрнэце з'явілася «арыенціроўка» на расійскіх вайскоўцаў, якія згвалтавалі беларуску. Сілавікі абвяргаюць3

Станцыю метро на праспекце Пераможцаў перадумалі будаваць?9

больш чытаных навін
больш лайканых навін

Беларус раптоўна і без дай прычыны знік у 2006 годзе, а праз 19 гадоў знайшоўся ў вёсцы пад Смаленскам2

Беларус раптоўна і без дай прычыны знік у 2006 годзе, а праз 19 гадоў знайшоўся ў вёсцы пад Смаленскам

Галоўнае
Усе навіны →

Заўвага:

 

 

 

 

Закрыць Паведаміць