З тэксту паправак у закон, якія павінны спрасціць польскім вайскоўцам ахову мяжы з Беларуссю, выключылі пункт аб адсутнасці пакарання за прымяненне зброі насуперак правілам. Першапачатковы тэкст паправак, дзе гэты пункт быў, моцна крытыкавалі праваабаронцы, называючы дакумент «ліцэнзіяй на забойства», піша Most.
Як піша Gazeta Wyborcza, цяпер урад разглядае праект дакумента, які дазваляе ўжываць зброю ў некалькіх выпадках, якія тычацца парушэння мяжы.
Па-першае, для самаабароны або абароны, калі існуе пагроза жыццю, здароўю або свабодзе салдат, супрацоўнікаў паліцыі, памежнай службы і іншых асоб.
Па-другое, пры неабходнасці супрацьстаяць чалавеку, які не падпарадкоўваецца патрабаванню неадкладна скласці зброю, адмовіцца ад выкарыстання выбуховага рэчыва або іншых небяспечных прадметаў, якія могуць стварыць пагрозу жыццю і здароўю.
Тэкст паправак павінен будзе яшчэ разгледзець Сейм.
Пра пашырэнне магчымасцяў па ўжыванні зброі на мяжы з Беларуссю ў Польшчы загаварылі пасля смерці салдата Матэвуша Сітака: ён загінуў ад нажавога ранення, нанесенага мігрантам на мяжы.
А ўвогуле, спрэчкі аб пашырэнні магчымасцяў прымяняць зброю супраць мігрантаў узніклі пасля таго, як стала вядома пра затрыманне ўладамі вайскоўцаў, якія ўжылі зброю, спрабуючы стрымаць буйную групу мігрантаў у сакавіку.
У польскіх следчых можа быць ДНК чалавека, які смяротна параніў памежніка на мяжы з Беларуссю
У польскіх уладаў ёсць фота забойцы польскага памежніка, які загінуў на беларускай мяжы
Забойства жаўнера Польшча не выбачыць. Лукашэнка правакуе сур'ёзны канфлікт
Стала вядома імя польскага салдата, які загінуў на мяжы з Беларуссю
Лукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары