Пра прыпыненне дзейнасці кампаніі даведалася «Еўрарадыё». Інфармацыю пацвердзілі ў самой кампаніі.
«Адукацыйны цэнтр «Лідар» прыпыніў пакуль сваю дзейнасць, таму, на жаль, мы не можам вам прапанаваць нашы паслугі, якія былі дагэтуль», — паведамілі ў кампаніі.
Паводле слоў суразмоўцы, гэтае рашэнне прынятае «вышэйшым кіраўніцтвам», але яго прычына невядомая. Хутчэй за ўсё, цэнтр больш не адновіць сваю працу.
Праўда, у «Картатэцы» таварыства з абмежаванай адказнасцю «Мая маці», пад эгідай якога дзейнічаў цэнтр, усё яшчэ пазначанае як дзейнае.
Апошні пост «Лідара» ў інстаграме датуецца 2 верасня, калі цэнтр прапаноўваў зніжкі на курсы. У жніўні таксама набіраліся групы для навучання.
Адукацыйны цэнтр «Лідар» існаваў з 1999 года і меў вучняў з 27 гарадоў Беларусі. Курсы цэнтра афіцыйна прызнавалі курсамі №1 у Беларусі ў 2015, 2016, 2017, 2018, 2019, 2020 гадах паводле вынікаў фестывалю-конкурсу «Выбар года». «Лідар» мае і шэраг іншых прэмій.
У цэнтры можна было прайсці навучанне па больш чым 230 праграмах. Згодна з законам, дзейнасць, звязаная з курсамі для дарослых, не патрабуе ліцэнзіі Міністэрства адукацыі.
Раней стала вядома, што закрываюцца знакамітыя моўныя курсы Streamline.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА48
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары