Вярхоўны савет нацыянальнай абароны Румыніі ў чацвер прыняў рашэнне перадаваць Украіне сістэму Patriot, хоць справаздача румынскага Мінабароны сцвярджала, што цяпер для гэтага не найлепшы час.
Міністр абароны Румыніі Анджэл Цілвар неаднаразова выступаў супраць разгортвання гэтай сістэмы ва Украіне, паколькі ён лічыць Patriot «незаменным для абароны нацыянальнай тэрыторыі».
Прэмʼер-міністр Марчэл Чалаку таксама выказаў перасцярогу, заявіўшы, што Румынія пакуль не мае дастатковай колькасці сістэм Patriot. Аднак ён прызнаў, што «размяшчэнне сістэмы ва Украіне можа патэнцыйна прынесці карысць абароне Румыніі».
Перамовы аб магчымай пастаўцы Украіне сістэмы Patriot пачаліся ў траўні, калі прэзідэнт Ёханіс абмеркаваў гэтае пытанне з прэзідэнтам ЗША Джо Байдэнам падчас візіту ў Злучаныя Штаты.
У маі Ёханіс падкрэсліў, што «для Румыніі непрымальна заставацца без супрацьпаветранай абароны» і настойваў на тым, што «калі Румынія ад чагосьці адмаўляецца, яна павінна атрымаць нешта ўзамен».
У той час Румынія мела толькі адну актыўную сістэму Patriot, але 14 чэрвеня была ўведзена ў эксплуатацыю другая сістэма, трэцяя чакаецца да канца года, а чацвёртая — у пачатку наступнага года.
Румынія заплаціла 4 млрд долараў за сем сістэм Patriot, чатыры з якіх ужо пастаўлены Злучанымі Штатамі, а астатнія тры павінны прыбыць да 2027 года.
Лукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары