Жыхарцы Брэста пагражае да сямі гадоў калоніі за тое, што дапамагала палітвязням
Яе ўключылі ў «экстрэмісцкае фармаванне». Ім прызналі фэйсбук-суполку, дзе людзі абменьваліся лістамі ад палітвязняў.
Ірыне Пагадаевай 54 гады. Яна з Брэста. Працавала ў мясцовай бібліятэцы бібліёграфам. Мяркуючы па сацсетках, у яе двое дзяцей.
Невядома, калі яе затрымалі, але, імаверна, напрыканцы студзеня, калі яе судзілі за «распаўсюд экстрэмісцкіх матэрыялаў». Напрыканцы 2023-га яе ўключылі ў склад «экстрэмісцкага фармавання». Такім прызналі фэйсбук-суполку «Лісты салідарнасці Беларусь 2020», у якой людзі абменьваліся лістамі ад палітвязняў, а таксама абмяркоўвалі дапамогу зняволеным.
Суд над Ірынай пачынаецца 26 чэрвеня ў Брэсцкім абласным судзе. Яе абвінавачваюць па дзвюх частках артыкула «садзейнічанне экстрэмісцкай дзейнасці». Ірыне пагражае да сямі гадоў калоніі.
Судзіць яе будзе Андрэй Сіз. Ён раней быў старшынёй Любанскага раённага суда, прысудзіў некалькім людзям штрафы ў 2020-м за «незаконнае пікетаванне».
Рэгулярна ён працуе па палітычных судах толькі з сярэдзіны 2023-га, калі яго перавялі ў Брэсцкі абласны суд. Напрыклад, прысудзіў сем гадоў калоніі Сяргею Еўдакіменку па справе ЧКБ і два з паловай года ўкраінцы Кацярыне Бруханавай за перадачу відэа з вайсковай тэхнікай у чат-бот выдання «Люстэрка».
«Наша Нiва» — бастыён беларушчыны
ПАДТРЫМАЦЬЛукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары