Нямецкі абаронны канцэрн Rheinmetall аб'явіў аб атрыманні найбуйнейшай у гісторыі кампаніі замовы на пастаўку 155-мм артылерыйскіх боепрыпасаў для Бундэсвера. Пра гэта паведаміла прэс-служба кампаніі.
Кантракт на пастаўку боепрыпасаў быў падпісаны 20 чэрвеня. Агульны яго кошт складзе каля €8,5 млрд.
Асноўнай мэтай замовы з'яўляецца папаўненне запасаў Бундэсвера і яго саюзнікаў, а таксама падтрымка Украіны.
Пастаўкі павінны пачацца ў пачатку 2025 года. Асноўным пакупніком будзе Германія, якая забяспечыць частку паставак ва Украіну. Акрамя таго, у замове таксама ўдзельнічаюць краіны-партнёры — Нідэрланды, Эстонія і Данія.
У той жа час была заключаная першасная дамова аб адступленні ад рамачнага кантракту для забеспячэння загрузкі магутнасцяў новага завода, які будуецца ў Унтэрлюсе ў Германіі, на этапе запуску. Гэтая замова таксама ўключае пастаўку снарадаў калібра 155 мм у розных мадыфікацыях агульным коштам каля 880 млн еўра. Пастаўкі таксама запланаваныя на 2025 год.
У кампаніі чакаюць, што ў найбліжэйшыя гады колькасць замоў будзе надалей узрастаць.
Лукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары