Грамадства11

«Лідарамі па адмовах застаюцца Грэцыя і Польшча». Дзе цяпер беларусам прасцей за ўсё атрымаць шэнгенскую візу?

Якія краіны цяпер выдаюць беларусам турыстычныя візы, а якія цалкам спынілі працэс? CityDog.io разабраўся, як цяпер ідуць справы з «шэнгенам», і што трэба, каб яго атрымаць, разам з візавай эксперткай Настай Лысакоўскай.

Якія краіны цяпер не выдаюць шэнгенскія візы беларусам?

Літва, Чэхія, Эстонія і Латвія прыпынілі выдачу турыстычных віз для беларусаў яшчэ ў 2022 годзе. Гэтыя краіны прымаюць заяўкі толькі ў выключных выпадках. Латвія разглядае гасцявыя візы.

А вось якія выдаюць «шэнген»

Атрымаць турыстычны «шэнген» можна ў Іспаніі, Венгрыі, Італіі, Францыі, Грэцыі, Германіі, Балгарыі, Харватыі, Румыніі, Польшчы, Нідэрландаў, Бельгіі (праз консульства Германіі) і Швейцарыі (праз консульства Венгрыі).

Самыя папулярныя краіны па выдачы віз — Італія, Германія і Францыя

Як і раней, найлепшымі краінамі па статыстыцы выдачы больш працяглых віз застаюцца Італія, Германія і Францыя. На іх прыпадае больш за 80% запытаў на «шэнген».

Праўда, запісацца туды не так проста. У Італію, напрыклад, можна запісацца па жывой чарзе — у той самы сшытак на ўваходзе ў візавы цэнтр. Там ужо запісалася больш за 10 000 чалавек, а час чакання на падачу складае каля 4 месяцаў. Запіс праз сшытак застаецца папулярным, бо іншых варыянтаў няма.

Падаваць дакументы ў Італію рэкамендую тым, у каго добрая візавая гісторыя: ёсць шанец атрымаць больш працяглы «шэнген». Вялікай перавагай пры запыце візы на год і больш будзе доказ, што раней вы ўжо бывалі ў Італіі. Ведаю, што некаторыя нават фатаграфіі з падарожжаў прымацоўваюць да дакументаў.

Добрая візавая гісторыя — гэта наяўнасць некалькіх турыстычных і іншых шэнгенскіх віз, атрыманых раней. Сюды ж можна аднесці і ўезды ў краіну падачы. У якасці доказу, што вы там ужо былі, можна прыкласці чэкі, броні, авіябілеты.

Францыя часцей за ўсё ставіць візы на тры ці шэсць месяцаў. Пры добрай візавай гісторыі можна разлічваць і на большы тэрмін.

Германія прызначае дату падачы праз восем месяцаў пасля адпраўкі заяўкі на афіцыйным сайце консульства. А сама падача можа быць праз год-паўтара. Цяпер ёсць выпадкі, калі прызначаюць дату і за два месяцы, але гэта хутчэй выключэнне, чым правіла.

Венгрыя і Іспанія могуць выдаць «шэнген» як на доўгі тэрмін, так і пад паездку

Іспанія таксама працягвае выдаваць «шэнген» беларусам. Слоты выстаўляюць на сайце візавага цэнтра некалькі разоў на месяц. Дакументы разглядаюцца 45 дзён, таму падавацца трэба загадзя. Візы выдаюць у асноўным пад паездку або на пару месяцаў.

Венгрыя прымае заяўкі як ад індывідуальных турыстаў, так і пад тур. Статыстыка тэрмінаў зусім рандомная. Нават з добрай візавай гісторыяй можна атрымаць візу як на доўгі тэрмін, так і пад паездку. Больш за тое, Венгрыя патрабуе падаваць пацвярджэнне аплаты гатэля, адмяняючы якую, вы несяце рызыкі: калі пасля выдачы візы консульства праверыць і даведаецца пра адмену, візу могуць ануляваць.

Па нашай статыстыцы, адмовы ў Венгрыі складаюць усяго 2-3%. Прычыны для «не» даволі стандартныя: не абгрунтаваная мэта знаходжання альбо недастаткова грошай, каб знаходзіцца ў краіне.

Лідарамі па адмовах пакуль застаюцца Грэцыя і Польшча

Па-за сезонам статыстыка адмоў у Грэцыі высокая. Прычым адмову можна атрымаць, нават калі на руках ёсць квіткі і бронь гатэля. Цяпер, у летні сезон, па нашых назіраннях, статыстыка выдачы трохі палепшылася. Важна даць добрую выпіску з рахунку і паказаць стабільны даход.

Важна: калі нейкая іншая краіна ў візе вам ужо адмовіла, пасля гэтага ў Грэцыю лепш не падавацца — хутчэй за ўсё, яна таксама адмовіць.

«Добрая выпіска з рахунку» для кожнай краіны свая. Я заўсёды рэкамендую не менш за 2000-3000 еўра на чалавека (можна ў любой валюце ў эквіваленце). Цяпер шматлікія краіны строга ставяцца да фінансавых гарантый, таму чым больш пакажаце, тым лепш.

А каб паказаць стабільны даход, трэба падаць даведку аб заробку за апошнія 3-6 месяцаў (у залежнасці ад патрабаванняў краіны падачы). Напрыклад, Грэцыя недалюблівае беспрацоўных, а даведкі з заробкам менш за 1500 руб. яе бянтэжаць.

Калі вы працуеце на юрыдычную асобу ў Беларусі, то кантракт або працоўную дамову дадаткова прыкладаць не трэба. Калі ж аформленыя як ІП, то да дакументаў трэба дадаць копію пасведчання аб рэгістрацыі, выпіску з падатковай і выпіску з банка аб рэлевантным астатку на рахунку.

Польшча таксама прымае дакументы на турыстычныя візы. Праўда, працяглы «шэнген» тут рэдкасць. Часцей за ўсё выдаюць візу строга пад паездку. Больш за тое, Польшча патрабуе падаць пацвярджэнне аплачанай броні гатэля і маршрутны ліст (гэта значыць план паездкі, дзе менавіта вы збіраецеся пабываць).

Балгарыя, Харватыя і Румынія — новыя краіны для падачы

З нядаўніх часоў Балгарыя, Харватыя і Румынія таксама пачалі прымаць дакументы на турыстычныя шэнгенскія візы. Па Харватыі ў нас ужо склалася больш-менш выразная карціна па статыстыцы выдачы: часцей за ўсё гэта візы пад паездку або на месяц.

За Балгарыяй і Румыніяй пакуль назіраем. Першыя выдачы гавораць пра тое, што чакаць візаў на доўгі тэрмін ад гэтых краін не варта. Але сітуацыя можа змяніцца ў лепшы бок.

Каментары1

  • Грязный Гарри
    21.06.2024
    Зато пропагандисты на Олимпиаду визы получат без проблем!

Удзельнік апазіцыйнага руху Віталь Лухвіч выявіўся платным міліцэйскім стукачом

Удзельнік апазіцыйнага руху Віталь Лухвіч выявіўся платным міліцэйскім стукачом

Усе навіны →
Усе навіны

«Заснулі на Каліноўскага, прачнуліся на Машэрава». У Кобрыне за ноч прыбралі паказальнікі з прозвішчам Каліноўскі ВІДЭА2

Грамадзяніна Германіі прысудзілі ў Беларусі да расстрэлу14

Зніклага ў Польшчы беларуса знайшлі ў Варшаве збітым і без дакументаў10

«Вада пранікла ўнутр, запоўніла салон мне па пояс, рукі трэсліся». Хто тая дзяўчына з запамінальнага фота мінскага патопу3

У Беларусі пачалася перадвыбарчая агітацыя за Лукашэнку ФОТАФАКТ32

Сусветныя цэны на каву б'юць рэкорды. Кошт вашага латэ пад пагрозай5

Ватыкан прызначыў лідскага ксяндза Андрэя Зноска біскупам. Роўна год таму яго затрымлівалі сілавікі

Стала вядома, у чым падазраюць Рамашэўскую, Дзікавіцкага і іншых топ-менеджараў «Белсата»20

У Італіі журналістку аштрафавалі за жарты пра рост прэм'ер-міністра Мелоні — гэта палічылі бодышэймінгам1

больш чытаных навін
больш лайканых навін

Удзельнік апазіцыйнага руху Віталь Лухвіч выявіўся платным міліцэйскім стукачом

Удзельнік апазіцыйнага руху Віталь Лухвіч выявіўся платным міліцэйскім стукачом

Галоўнае
Усе навіны →