У Пакістане натоўп адбіў у паліцэйскіх падазраванага ў апаганенні Карана і расправіўся з ім, паведамляе Pakistan Today са спасылкай на паліцыю.
Турыст з Сіялкота (горад у правінцыі Пенджаб) быў арыштаваны ў акрузе Сват правінцыі Хайбер-Пахтунхва па падазрэнні ў спаленні Карана. Яго вырашылі перавезці ў паліцэйскі пастарунак у раёне Мадзьян.
Пасля таго як пра гэта абвясцілі праз гучнагаварыцелі, усталяваныя на мясцовых мячэцях, натоўп акружыў участак і ўзяў яго штурмам.
«Раз'юшаныя людзі таксама выхапілі абвінавачанага з рук паліцыі і, працягнуўшы яго па вуліцах, падпалілі і забілі», — цытуе выданне прэс-службу раённай паліцыі.
Акрамя таго, у бальніцу былі дастаўлены 11 мясцовых жыхароў, якія пацярпелі ў сутыкненнях. Улады Пакістана накіравалі ў Мадзьян для аднаўлення парадку спецназ.
Каментары
🤷🏻♂️