Сіноптыкі папярэдзілі пра навальніцы і залевы сёння, а ДАІ дае рэкамендацыі
На панядзелак абвешчаны аранжавы ўзровень небяспекі.
Сёння на большай частцы тэрыторыі краіны чакаюцца навальніцы, пры навальніцах месцамі моцныя залевы і шквалістае ўзмацненне ветру парывамі 15-20 м/с.
У Мінску таксама навальніцы, пры навальніцы месцамі па горадзе моцныя залевы.
Максімальная тэмпература паветра ад + 20°C па паўночным захадзе да +32°C па паўднёвым усходзе. У Мінску раніцай +16..+18°С, днём + 23..+25°C, вечарам + 18..+20°С.
Рэкамендацыі ад сталічнай ДАІ ў моцны дождж
У дажджлівае надвор'е аўтааматарам неабходна выбраць правільны хуткасны рэжым, а таксама дакладна выконваць дыстанцыю і бакавы інтэрвал. Гэтыя правілы нам дыктуе ў першую чаргу мокрае асфальтавае пакрыццё, на якім рэзка павялічваецца тармазны шлях.
Пры трапленні ў паласу дажджу трэба адразу ж плаўна зменшыць хуткасць і ўстрымацца ад рэзкіх манеўраў і тармажэнняў. Паркаваць свае аўтамабілі пры моцным дажджы неабходна ўдалечыні ад дрэў, а таксама слаба ўмацаваных канструкцый.
Калі непагадзь заспела ў асабістым транспарце, не спрабуйце пераадолець падтопленыя ўчасткі. Трэба павольна перастроіцца ў крайні правы шэраг ці з'ехаць на абочыну і спыніцца. Нялішнім будзе ўключыць аварыйную сігналізацыю.
Перасоўвацца па дарогах рэкамендуецца з уключаным блізкім святлом фар. Пры праездзе скрыжаванняў і пешаходных пераходаў неабходна павысіць увагу.
Калі Канапацкая стала цалкам падкантрольная Лукашэнку?22
Каментары