У віцэ-спікеры КР безальтэрнатыўна абіраюць Станіславу Гліннік, унучку Шушкевіча
Каардынацыйная рада, можна сказаць, абрала сваё кіраўніцтва. Пакуль што адбылося толькі вылучэнне кандыдатаў на пасады спікера і віцэ-спікера, ужо можна ўпэўнена гаварыць, хто імі стане. Бо выбары як на адну, так і на другую пасады безальтэрнатыўныя.
Адзіным сябрам Каардынацыйнай рады, які вылучыў сваю кандыдатуру на пасаду кіраўніка гэтай структуры, стала прадстаўніца спісу «Каманда Латушкі і Рух «За Свабоду» Анжаліка Мельнікава. Гэта прагназавалася і раней.
На пасаду ж віцэ-спікеркі безальтэрнатыўна балатуецца Станіслава Гліннік, якая прадстаўляе спіс «Еўрапейскі выбар».
Станіславе Гліннік 29 гадоў. Яна нарадзілася ў сям'і архітэктара Вадзіма Глінніка і кампазітаркі Алёны Шушкевіч. А найбольш знакаміты з яе роду — фізік і палітык Станіслаў Шушкевіч — старшыня Вярхоўнага Савета XII склікання, першы кіраўнік незалежнай Беларусі. Які, дарэчы, у свой час перад тым, як стаць спікерам парламента, нейкі час пабыў яго віцэ-спікерам.
Станіслава Гліннік вучылася ў Ліцэі БДУ, Варшаўскім універсітэце, цяпер працягвае навучанне ў Варшаўскім універсітэце прыродазнаўчых навук.
Працавала ў няўрадавых арганізацыях, была супрацоўніцай Сакратарыята Каардынацыйнай рады. З канца 2023 года стала асабістай памочніцай Святланы Ціханоўскай.
Галасаванне па кандыдатурах Мельнікавай і Гліннік будзе адбывацца на працягу 24 гадзін у спецыяльным тэлеграм-канале КР. Такім чынам, яго вынікі будуць вядомыя ўвечары 11 ліпеня.
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні42
Каментары
А чаму народу не паведамляюць, хто ў тых офісах-кабінетах працуе. Толькі выпадкова дазнаемся, калі які-небудзь Кавалеўскі сыходзіць з офіса і забірае з сабой яго чальцоў.
Аабістая памочніца Святланы Ціханоўскай (а значыць, падпісала NDA кіраўніка офіса Ціханоўскай Аляксандра Дабравольскага аб неразгалошванні, а інакш штраф 30 тысяч еўра) безальтэрнатыўна балатуецца на пасаду віцэ-спікеркі Каардынацыцнай Рады.