Беларускія навукоўцы распрацавалі новы сродак ад пахмельнага сіндрому на аснове вітамінаў і антыаксідантаў. Прэпарат знаходзіцца на завяршальным этапе клінічных выпрабаванняў, паведамляюць «Мінск-Навіны».
Біялагічна актыўная дабаўка да ежы распрацаваная спецыялістамі Інстытута біяхіміі біялагічна актыўных злучэнняў НАН Беларусі. У яе склад уваходзяць бурштынавая кіслата, кафеін і вітамінна-мінеральны прэміксы (вітаміны групы B, A і C, цынк, магній і жалеза).
Сродак можа выкарыстоўвацца не толькі ад пахмелля. Яго можна таксама прымаць пры харчовым атручванні, рэспіраторных і іншых інфекцыях. Можа ён прыдацца і здароваму чалавеку пры заняпадзе сіл, бо бадзёрыць. Але паколькі сродак мае танізуючыя ўласцівасці, то найлепш яго ўжываць у першай палове дня».
Таксама навукоўцы з НАНБ працуюць цяпер над беларускім аналагам «Пантэнола». Гэта абязбольвальны і гаючы сродак, які не перасушвае скуру і можа выкарыстоўвацца пры апёках да 3А ступені, рэзаных ранах, ранках і драпінах. Навінка праходзіць клінічныя выпрабаванні ў бальніцах хуткай дапамогі Мінска і Гродна.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці54
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары