У ноч на 14 жніўня і раніцай гэтага дня Масква і Ленінградская вобласць падвергліся атакам дронаў. У выніку абстрэлаў зафіксаваныя пашкоджанні і пажар у раёне аднаго з партоў, піша РБК-Украіна.
Мэр Масквы Сяргей Сабянін у сваіх сацсетках пісаў, што атака дронаў пачалася яшчэ ў 23:44. Тады, паводле яго слоў, СПА нібыта збіла два беспілотнікі, якія ляцелі на сталіцу РФ.
Ужо раніцай амаль а шостай гадзіне Сабянін напісаў, што было збіта яшчэ 10 дронаў. Аднак у гэтай публікацыі не ўдакладнялася, што гэта былі беспілотнікі, якія ляцелі на Маскву. Не выключана, што гэтыя дроны даляцелі да горада.
Таксама ўначы пад атакай апынулася Ленінградская вобласць. Паводле паведамленняў губернатара рэгіёна Аляксандра Драздзенкі, атака пачалася ў 02:53. Да 06:21 раніцы нібыта ўжо быў збіты 51 беспілотнік.
«Зафіксаваныя пашкоджанні ў раёне порта Усць-Луга… У выніку пашкоджання зафіксавана ўзгаранне ў порце», — гаварылася ў публікацыях.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку23
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары