У Зэльве зладзілі прапагандысцкі конкурс да 80-годдзя вызвалення Беларусі. Найбольшым крэатывам здзівілі слонімцы ФОТАФАКТ
Афіцыйнае святкаванне 80-годдзя вызвалення Беларусі ад нямецкай акупацыі ў 1944 годзе набывае часам зусім вычварныя формы. Так, у Зэльве 13 ліпеня правялі спаборніцтва «Плаваем на чым давядзецца», а абавязак пры гэтым мець самаробны плавальны сродак, выкананы на тэму «80 гадоў вызвалення Беларусі ад нямецка-фашысцкіх захопнікаў», выклікаў хвалю дзівоснага, хоць звычайна і сумнеўнай якасці крэатыву.
Пераможцаў конкурсу будуць вызначаць анлайн-галасаваннем, якое мае прайсці з 15 па 19 ліпеня. Вызначаць іх будуць у некалькіх намінацыях: самае арыгінальнае тэхнічнае рашэнне, найлепшае афармленне плаўсродка, найлепшае прадстаўленне каманды, самае арыгінальная назва плаўсродка, найлепшае музычнае суправаджэнне і Гран-пры.
Афіцыйнай намінацыі за найбольшую трэшавасць у правілах конкурсу не прадугледжана, але каб яна была, то на галоўны прыз несумненна магла б прэтэндаваць каманда са Слонімскага раёна. Яе варыянт чамусьці, праўда, не ўвайшоў у агляд, зроблены зэльвенскай раёнкай, але крэатывам землякоў пахваліліся ў сацсетках Слонімскага райвыканкама.
Зрэшты, іншыя ўдзельнікі конкурсу таксама прадставілі варыянты, вартыя ўвагі.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?14
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары