20-гадовага хлопца са зборнай па судамадэльным спорце асудзілі за «заклікі да санкцыяў». Пагражала да 12 гадоў
Асудзілі Аляксея Мазуку больш за два тыдні таму, але яго асоба стала вядомая толькі цяпер.
Аляксею Мазука 20 гадоў. Ён мінчук. Раней хлопец захапляўся судамадэльным спортам і нават быў у рэзерве беларускай зборнай Беларусі. Таксама ён слухаў панк-рок і цікавіўся эстэтыкай гэтай субкультуры.
Дата затрымання хлопца невядомая, але адбылося гэта, хутчэй за ўсё, у 2024-м годзе.
Суд над Аляксеем адбыўся 15 ліпеня ў Мінскім гарадскім судзе. Яго вінавацілі ў «закліках да санкцыяў» (ч. 3 арт. 361 КК). Імаверна, справа ў яго каментарах у тэлеграме, а акаўнт Аляксея быў зусім неабаронены і прывязаны да ўласнага нумара. Хлопцу пагражала ад 4 да 12 гадоў калоніі. Прысуд невядомы.
Судзіла Мазуку суддзя Алена Ананіч, якая раней асудзіла шмат вядомых палітвязняў на вялікія тэрміны. Адна з апошніх пацярпелых ад яе дзеянняў — настаўніца 23-й гімназіі Дар'я Хмяльніцкая, якая атрымала пяць з паловай гадоў зняволення за данаты.
«Наша Нiва» — бастыён беларушчыны
ПАДТРЫМАЦЬЦяпер чытаюць
Каб не плаціць падатак на сабак, мінчукі пачалі здаваць іх у пункты адлову31
Каментары
То бок санкцыі - злачынныя.
Заклік да санкцыяў гэта пустое калыханьне паветра, тут няма дзеяньня (як ў закліку скакаць з даху ці зьлягацца з коньмі і якім заўгодна іншым без падмацаваньня стымулам: аплатай, пагрозай)
То бок заклікі да санкцыяў - бязглуздыя, але не злачынныя