Ва Украіне ўзброеная групоўка з 2014 года рыхтавалася да акупацыі Адэсы Расіяй. У яе складзе — беларуска
У групоўцы дзейнічалі пяць асноўных падраздзелаў: штурмавая група, снайперская група, разведвальная група, а таксама групы аператыўнага забеспячэння і сувязі, піша «Радыё Свабода».
У Адэсе з мая 2024 года расследуюць справу паводле чатырох артыкулаў Крымінальнага кодэкса Украіны, якія тычацца дзяржаўнай здрады, стварэння незаконнай ваенізаванай арганізацыі, незаконнага абыходжання са зброяй і апраўдання расійскай агрэсіі, піша «Радыё Свабода».
Як высветлілі следчыя ў часе дасудовага расследавання, украінскі адвакат, які нарадзіўся ў Севастопалі, стварыў незаконнае ваенізаванае фармаванне, якое рыхтавалася да садзейнічання Узброеным сілам Расіі ў выпадку акупацыі Адэсы.
Следчыя ўжо знайшлі доказы датычнасці да гэтага фармавання 23 грамадзян Украіны, Расіі, Кыргызстана, Беларусі, ЗША і Нямеччыны.
Паводле следства, групоўка пад назвай «ОБП» мела арганізацыйную структуру вайсковага тыпу. У ёй патрабавалі жорсткай дысцыпліны і падпарадкавання аднаму чалавеку. У арганізацыі праводзілі лекцыі, заняткі па фізічнай падрыхтоўцы, стральбе і рукапашным баі. У групоўцы дзейнічалі пяць асноўных падраздзелаў: штурмавая група, снайперская група, разведная група, а таксама групы аператыўнага забеспячэння і сувязі.
Большая частка іншаземных удзельнікаў фармавання нелегальна знаходзіліся ва Украіне. Папярэдне высветлілі, што ў яе склад уваходзілі 16 грамадзян Украіны, трое грамадзян Расіі і па адным грамадзяніне Беларусі, Кыргызстана, ЗША і Нямеччыны. Усе яны мелі свае пазыўныя.
Вядома, што грамадзянін ЗША з'яўляецца ўраджэнцам Сімферопаля.
Як стала вядома Свабодзе, паводле следства, у фарміраванне ўваходзіла грамадзянка Беларусі, якая ў ліпені 2023 года нібыта атрымала ва Украіне дазвол на сталае пражыванне. Яе пазыўны — Волха.
У часе ператрусу па месцы пражывання арганізатара ваенізаванага фармавання знайшлі 64 адзінкі агнястрэльнай зброі і вялікую колькасць боепрыпасаў да яе.
Паводле следства, групоўка пераехала ў Адэсу ў 2014 годзе пасля акупацыі Расіяй Крыма. З таго часу ў яе склад пачалі вербаваць іншых удзельнікаў і рыхтавацца да падрыўной дзейнасці супраць Украіны.
Ціханоўская павіншавала твітар з гадавінай бітвы пад Оршай. І тут пачалося16
Каментары