Люцыя Герашчанка (многія памятаюць яе як Люсю Лушчык) была адной з самых пазнавальных вядучых беларускага ТБ. Але ўжо некалькі гадоў яна не выходзіць у эфір.
У інстаграме Люцыя напісала, што яе часта пытаюцца, ці яна будзе вяртацца на ТБ.
«Магчыма, але толькі ў якасці спікера і эксперта, — адказвае яна. — Я гатовая сустракацца і гаварыць з любым журналістам і ўдзельнічаць у розных праектах, але не гатовая прысвячаць гэтаму ўсё жыццё.
Казаць пра свае думкі, пра мацярынства, пра ёгу, пра прыгажосць і жаноцкасць. Я па-ранейшаму люблю весці канцэрты і праграмы, і раблю гэта выдатна, але гэта адымае занадта шмат часу. Цяпер у мяне іншыя прыярытэты, я рэальна кайфую ад свайго сямейнага жыцця, ёгі, мацярынства, падарожжаў. З'явілася столькі сэнсаў. І я, аказваецца, столькі прапусціла пакуль кар'ерай займалася».
Люцыя піша, што апошнім часам адмаўляла ў інтэрв'ю розным ютуб-праектам, бо не было сіл на гэта.
Пасля нараджэння сына летам 2020 года Люцыя Герашчанка заглыбілася ў сям'ю (яе муж — бізнэсовец Андрэй Герашчанка), захапілася вывучэннем Ведаў і медытацыямі. Тэледзіва вядзе заняткі па ёзе твару.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам29
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары