Спачатку міліцыя паведаміла, што арыштавала хлопца: ён аказаў узброены супраціў і быў шпіталізаваны. Цяпер МУС піша, што ён быў «ліквідаваны».
33-гадовага Аляксандра Ліпскага падазравалі ў забойстве жанчыны і шукалі 3 гады.
Сёння міліцыянты прыехалі на яго затрыманне. Па версіі сілавікоў, падазраваны стаў адстрэльвацца ад міліцыянераў і быў паранены сустрэчным агнём.
Спачатку міліцыя расказвала, што Ліпскага шпіталізавалі, аднак цяпер з'явілася інфармацыя аб яго смерці. «Ліквідаваны» — паведаміла міліцыя.
Пра лёс яго маці нічога не паведамляецца. Раіса Ліпская тры гады хавалася разам з сынам.
Таксама нічога не вядома пра матывы забойства, якое адбылося тры гады таму на праспекце Ракасоўскага, куды ўварваўся ўзброены Ліпскі і некалькі разоў стрэліў у 33-гадовую жанчыну. Яна загінула. Апроч таго, ён паспрабаваў забіць яе мужа, але той застаўся жывым, бо скокнуў з пятага паверха.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары