Spačatku milicyja paviedamiła, što aryštavała chłopca: jon akazaŭ uzbrojeny supraciŭ i byŭ špitalizavany. Ciapier MUS piša, što jon byŭ «likvidavany».
33-hadovaha Alaksandra Lipskaha padazravali ŭ zabojstvie žančyny i šukali 3 hady.
Siońnia milicyjanty pryjechali na jaho zatrymańnie. Pa viersii siłavikoŭ, padazravany staŭ adstrelvacca ad milicyjanieraŭ i byŭ paranieny sustrečnym ahniom.
Spačatku milicyja raskazvała, što Lipskaha špitalizavali, adnak ciapier źjaviłasia infarmacyja ab jaho śmierci. «Likvidavany» — paviedamiła milicyja.
Pra los jaho maci ničoha nie paviedamlajecca. Raisa Lipskaja try hady chavałasia razam z synam.
Taksama ničoha nie viadoma pra matyvy zabojstva, jakoje adbyłosia try hady tamu na praśpiekcie Rakasoŭskaha, kudy ŭvarvaŭsia ŭzbrojeny Lipski i niekalki razoŭ streliŭ u 33-hadovuju žančynu. Jana zahinuła. Aproč taho, jon pasprabavaŭ zabić jaje muža, ale toj zastaŭsia žyvym, bo skoknuŭ ź piataha paviercha.
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju26
Kamientary