Грамадства

У Беларусі плануюць панізіць ахоўны статус зубра і бурага мядзведзя, а хамякоў, наадварот, павысіць

У новым выданні Чырвонай кнігі перагледзяць ахоўны статус шэрагу жывёл і птушак. У тым ліку — зубра.

Фота: Мінпрыроды

Спецыялісты НАН Беларусі прапануюць змяніць ахоўны статус для сямі відаў млекакормячых у новым выданні Чырвонай кнігі.

Зубра плануюць перавесці з III на ІV, больш слабую, катэгорыю аховы. Спецыяліст па біярэсурсах Павел Гештоўт расказаў, што за апошнія 30 гадоў колькасць зуброў у Беларусі павялічылася ў дзевяць разоў і цяпер перавышае 2 700 асобін, з якіх 2 600 жывуць на волі ў дзесяці папуляцыях, пішуць «Мінск-Навіны».

Паводле выдання, з 2011 года Беларусь стала лідарам па колькасці зуброў на волі, а з 2018 года – і па агульнай колькасці.

Для бурага мядзведзя таксама прапануецца змена катэгорыі аховы — з I на IV. Колькасць мядзведзяў узрасла з каля 130 асобін у канцы 1980-х да прыкладна 800 у цяперашні час.

Зменяць з III на IV ахоўны статут рысі і барсука. Першых у краіне ўжо 1600 асобін, яны сустракаюцца на 60 працэнтах тэрыторыі Беларусі. Колькасць барсукоў узрасла з 800—1600 асобін у 2000-х да 2500—2700 у 2021-2023 гадах.

А вось хамяка звычайнага спецыялісты прапануюць перавесці з III у I катэгорыю аховы. 

Акрамя таго, уключыць у Чырвоную кнігу прапануюць новы від — гіганцкую вячэрніцу, прысвоіўшы ёй I катэгорыю нацыянальнай прыродаахоўнай значнасці. Самы вялікі ў Еўропе кажан знаходзіцца на мяжы знікнення ў Беларусі. Нядаўна спецыялісты знайшлі калонію вячэрніц у Жыткавіцкім раёне.

Сярод птушак прапануецца выключыць адзін від — аўдотку, бо яна больш не сустракаецца ў Беларусі. Замест гэтага плануецца ўключыць у кнігу тры новыя віды, сярод якіх глушэц (заходні падвід) у II катэгорыю аховы. Гэты падвід рэдкі і распаўсюджаны ў Літве, Польшчы і Заходняй Беларусі. З 2022 года ў краіне рэалізуецца праграма па яго развядзенні і рассяленні.

Змены ў Чырвоную кнігу доўгі час лабіруюць паляўнічыя. Навукоўцы ж да гэтага супраціўляліся зменам. 

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»40

Стала вядома, як будзе выглядаць выпраўленая скульптура беларускай жанчыны ў Быхаве19

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай92

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць