Палітвязня, якога раней асудзілі за лайк, зноўку судзяць. Яму пагражае да 15 гадоў калоніі
У Брэсцкім абласным судзе 2 верасня распачынаецца новы суд над 41-гадовым палітвязняволеным рабочым з Баранавічаў Яўгенам Кладовым, якога ў лістападзе 2023 года асудзілі да года зняволення за «абразу Лукашэнкі», піша «Вясна».
Пасля адбыцця першага тэрміну мужчыну не вызвалілі з калоніі, а завялі новую крымінальную справу за допісы і каментары ў інтэрнэце паводле шасці артыкулаў Крымінальнага кодэксу, у тым ліку за «заклікі да санкцыяў» і «арганізацыю масавых беспарадкаў».
Перад другім судом Яўгена дадалі ў «спіс тэрарыстаў», тым самым абмежаваўшы ў грашовых пераводах. Справу ў закрытым рэжыме разглядае Мікалай Сянько.
Яўгена судзяць паводле некалькіх артыкулаў Крымінальнага кодэкса:
- ч. 3 арт. 361-1 (стварэнне экстрэмісцкага фармавання альбо ўдзел у ім);
- ч. 1 арт. 130 (распальванне іншай сацыяльнай варожасці);
- ч. 3 арт. 361 (заклікі да захадаў абмежавальнага характару (санкцыяў), іншых дзеянняў, накіраваных на шкоду нацыянальнай бяспецы Рэспублікі Беларусь);
- ч. 1 арт. 293 (арганізацыя масавых беспарадкаў);
- арт. 369 (абраза прадстаўніка ўлады);
- ч. 1 арт. 368 (абраза Лукашэнкі).
Мяркуючы па артыкулах, справа тычыцца каментароў і допісаў у інтэрнэце. Яўгену пагражае да 15 гадоў калоніі.
Пад вартай палітвязень утрымліваецца з 30 жніўня 2023 года. Суд Баранавіцкага раёна і Баранавіч 24 лістапада 2023 года за лайк у Аднакласніках пад карыкатурамі на Лукашэнку прызначыў год калоніі ва ўмовах агульнага рэжыму. У «спіс тэрарыстаў» Яўгена ўнеслі ў сярэдзіне ліпеня 2024 года.
«Сёння гэты кашмар можна спыніць». Сястра Марыі Калеснікавай заклікала забяспечыць палітзняволенай неабходнае харчаванне
Брату заснавальніка EPAM Сямёну Добкіну прысудзілі 6,5 года строгага рэжыму
Дзяўчыну, якая вучылася ў Варшаўскім універсітэце і доўгі час жыла ў Польшчы, арыштавалі за дапамогу палітвязням
«Цябе б бацька пракляў»: у Барысаве шырыцца сапраўдная прычына маўчання Генадзя Скітава, цэнтральнай фігуры «малочнай справы»3
Каментары