Расіяне ўдарылі па Крывым Рогу: загінулі тры чалавекі, у тым ліку дзіця
Таксама параненыя двое мужчын і хлопец.
«Зноў страшная варожая атака на Крывы Рог. Сярод ночы, калі горад спаў. Цяпер ужо вядома пра 3 загінулых, сярод якіх — дзіця. Глыбокія спачуванні родным … ёсць і параненыя. Пашкоджаныя прыватныя жылыя дамы. Больш падрабязнасцяў пасля», — расказаў кіраўнік вайсковай адміністрацыі Днепрапятроўскай вобласці Сяргей Лысак.
Ён дадаў, што пацярпелі мужчыны ва ўзросце 31 і 50 гадоў і 17-гадовы хлопец. Пацярпелых шпіталізавалі, іх стан сярэдняй цяжкасці.
Чыноўнік пасля ўдакладніў, што ў выніку ўдару загарэліся два прыватныя дамы, пажары ўжо патушылі. Акрамя таго, больш за 20 дамоў пашкоджаныя, яшчэ 2 — разбураныя. Пашкоджаны будынак школы, гараж і аўто.
Расіяне таксама абстралялі Днепр і Нікапальскі раён Днепрапятроўскай вобласці.
«Дняпро. Паводле ўдакладненай інфармацыі, пашкоджаны таксама 6-павярховы навучальны корпус, там выбітыя вокны. А яшчэ знявечаныя 3 шматпавярхоўкі і 72 аўто», — адзначыў ён.
Нікапальшчыну акупанты пачалі атакаваць з вечара 20 верасня, — ужывалі дроны і артылерыю.
«Пацярпелі Нікапаль, Пакроўская і Міроўская абшчыны. Параненая 38-гадовая жанчына. Яна ў бальніцы ў стане сярэдняй цяжкасці», — падкрэсліў чыноўнік.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе47
Каментары