Грамадства1818

Грузія не пусціла пенсіянераў-турыстаў з Беларусі. Вось што стала прычынай

Цяжкі шлях з Беларусі ў Грузію праз Расію раптоўна скончыўся для пары беларусаў на расійска-грузінскай мяжы. Заехаць у краіну для адпачынку ім не дазволілі. Па словах дырэктара турфірмы, такі выпадак у іх упершыню за ўсю гісторыю працы.

Дырэктар турыстычнай фірмы «Славія Тур» Дзмітрый Мілаванаў даволі актыўна вядзе свой тыкток. Цяпер ён распавёў пра вельмі непрыемны кейс, які здарыўся з беларускімі турыстамі на гэтым тыдні — у апошнім у сезоне аўтобусе, які выехаў з Мінску 17 верасня.

— За гэтае лета ў нас было прыкладна 10 чалавек, якіх не выпусцілі ў Грузію. То-бок на памежным пераходзе Верхні Ларс Расія не выпускала людзей праз тое, што ў іх была забарона на выезд з Беларусі. А яна распаўсюджваецца і на Расію ў тым ліку.

Але праблем з грузінскімі памежнікамі не было. Дзмітрый кажа, што прычына забароны на ўезд даволі простая і празаічная — пара беларускіх турыстаў раней адпачывала ў Абхазіі.

— Яшчэ з 1993 года турысты, якія наведвалі Абхазію, з’яўляюцца непажаданымі гасцямі на тэрыторыі Грузіі. Таму што па грузінскім законе наведваць Абхазію забаронена. Я яшчэ раз нагадаю: з 1993 года. Ужо 31 год. Гэта не ўчора, не пазаўчора.

Але дырэктар турфмірмы адзначае, што апошнія гады ў некаторых турыстаў атрымоўвалася абысці гэтую сістэму, бо цяпер на расійскім баку каля Адлера няма ніякага КПП, дзе ставяць штампы аб перасячэнні мяжы. Дзмітрый лічыць, што праз гэта людзі расслабіліся і вырашылі: няма штампа — і праблем у будучыні не будзе. Таму можна цішком зганяць на адпачынак у Абхазію, а потым спакойна ездзіць у Грузію.

— Так атрымалася, што гэтыя турысты былі ў Абхазіі 15 гадоў таму — у 2008 годзе (тады штампы ставілі — НН). Гэта людзі пенсійнага ўзросту, таму мне іх удвая шкада. Што яны праехалі такі вялікі прамежак дарогі і мусілі сысці з аўтобуса.

У выніку беларуская пара была вымушаная вярнуцца ў расійскі Уладзікаўказ і засяліцца ў гатэль. А на наступны дзень аўтобус турфірмы, які вяртаўся з іншай групай турыстаў з Грузіі, іх забраў.

Дзмітрый тлумачыць, чаму супрацоўнікі турфірмы не звярнулі ўвагу на тыя злашчасныя штампы ў пашпартах турыстаў — людзі афармлялі тур дыстанцыйна, даслаўшы толькі асноўныя старонкі пашпартоў. Каб пазбягаць непрыемнасцяў, дырэктар турфірмы раіць усім час ад часу мяняць пашпарты.

— Чамусьці людзі пенсійнага ўзросту не хочуць мяняць свае пашпарты. Увесь час пытаюцца: «У мяне пашпарту 15 ці 20 гадоў, магу я яшчэ па ім паехаць?». Ды памяняйце вы яго ўжо нарэшце. Гэта адзін раз сфоткацца і адзін раз схадзіць у МУС. Вось і ўсё. Нагадваю, сябры: няведанне законаў не вызваляе ад адказнасці. Гэтае правіла працуе ў любой краіне свету.

@mil0van0v

И снова про Грузию и Абхазию

♬ оригинальный звук - Milovan0v

Нагадаем: усё часцей у Грузіі здараюцца сітуацыі, калі ў краіну не ўпускаюць назад беларусаў, якія пастаянна жывуць там, але з некаторай нагоды выязджалі ў іншую краіну. Нядаўна з такой праблемай сутыкнуўся беларускі журналіст Андрэй Мялешка, якога разам з непаўналетняй дачкой прымусілі вярнуцца на тэрыторыю Польшчы. Пры гэтым жонка Андрэя з другім дзіцём знаходзілася ў Грузіі, дзе сям’я жыла апошнія тры гады. 

Каментары18

  • Нефанатка
    22.09.2024
    Правильно сделали, что не пустили. Что сейчас, жалеть этих дурочков? Нет ума - пусть катаются по россиюшке
  • рыбу люблю
    22.09.2024
    Дык гэта добрая навіна!
  • Правы 100 раз
    22.09.2024
    Не...чего шастать!

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць