Мінінфарм дадаў у «экстрэмісцкі» спіс сацсеткі армянскай блогеркі Бэлы
Міністэрства інфармацыі абнавіла спіс «экстрэмісцкіх матэрыялаў». Спіс апублікаваны на сайце ведамства.
Скрыншот: ютуб-канал «У Беллы»
У абноўлены пералік «экстрэмісцкіх матэрыялаў» дадалі сацсеткі армянскай блогеркі Бэлы (Розы Бабаханян), якую ў Беларусі спачатку арыштавалі, а потым вывезлі бізнэс-джэтам Віктара Лукашэнкі.
На момант напісання навіны на канал жанчыны ў ютубе падпісаны амаль 50 тысяч чалавек.
Таксама ў абноўлены спіс патрапілі: тэлеграм-каналы «Беларусы Кипра», «Беларусы Анталии», інстаграм nexta_live_belarus, група ў «Аднакласніках» «По Пиццот» і фотаздымкі Галіны Віткоўскай у той жа сацсетцы.
Каментары