Механікі з Гродна пабудавалі «Валгаці» — з Bugatti і «Волгі». Машына сапраўды прымусіць азірнуцца
На смелы праект спатрэбілася больш за тры гады і больш за сотню тысяч даляраў, піша «Точка».
Кастамайзеры з Гродна пабудавалі адну з самых яркіх машын у краіне: спераду — Волга, а ззаду Bugatti.
Савецкая класіка ўдала дапоўніла прэтэнцыёзны французскі дызайн.
На пабудову «Валгаці» пайшло тры з паловай гады і больш за $100 тыс.
«Донарам мы ўзялі шасцёрку BMW у кузаве Е63. Хацеў для базы нешта магутнае і заднепрывадных», — распавядае Аляксандр, гуру праекта.
Хлопцы пішуць праграмнае забеспячэнне, каб на хуткасці вышэй 100 км/г задні спойлер дапамагаў прытармажваць. Сінхранізуюць працу шкла ў безрамачных дзвярах, дэталізуюць заднія ліхтары. Па салоне яшчэ працы хапае.
Гэта ўсё дробязі. А вось з пастаноўкай на ўлік — праблема. І гэта ўжо сур'ёзна. Але Аляксандр не моцна перажывае з гэтай нагоды.
Матрыцы і працэсы адпрацаваныя — можна збіраць «Валгаці» дробнай серыяй. Аказваецца, у гэтым і была галоўная задума аўтара.
Праблемы з рэгістрацыяй транспарту ў суседняй краіне вырашаюцца прасцей — праўда, прырасце адчувальны плюс да цаны.
Пад ключ «Валгаці» з дакументамі будзе каштаваць прыкладна $120 тыс.
Цяпер чытаюць
Рыта Дакота набыла дом за некалькі мільёнаў даляраў каля Галівуда15
Рыта Дакота набыла дом за некалькі мільёнаў даляраў каля Галівуда
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары