У Беларусі плануюць зрабіць новы курорт з вельмі глыбокім возерам
У 2043 годзе запасы граніту ў Мікашэвіцкім гранітным кар’еры скончацца і выпрацоўка глыбінёй 214 метраў запоўніцца вадой, паведамляе «Беларуская глыбінка».
Фота: Yury Issarevich
Гэта атрымаецца натуральным чынам, бо кар’ер мае глыбіню значна ніжэйшую за грунтавыя воды: як толькі перастануць адпампоўваць ваду, на яго месцы з’явіцца возера.
Фота: РУПП Граніт
Прадпрыемства «Граніт», якое займаецца перапрацоўкай пародаў з кар’ера, замовіла праект рэкультывацыі катлавана і стварэння побач з возерам рэкрэацыйна-спартыўнай зоны. У перспектыве там збіраюцца пабудаваць гатэль, амфітэатр, рыбацкую вёску, клуб надводных і падводных відаў спорту.
Фота: Cezary Kiczkajlo
Праект прадставяць на аглядзе-конкурсе Міжнароднай асацыяцыі саюзаў архітэктараў у кастрычніку (Ерэван, Арменія).
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый67
Каментары