Мінчанцы пагражае прымусовае псіхіятрычнае лячэнне за дапамогу палітвязням
Наталлю Маныла судзяць за салідарнасць з палітвязнямі. Мяркуючы па раскладах судоў, ёй можа пагражаць прымусовае лячэнне.
Наталлі Маныла 53 гады. Згодна са звесткамі праекта Digital intelligence team, яна мінчанка.
Вядома, што Наталлю затрымлівалі па палітычнай адміністратыўцы ў снежні 2020 года.
Суд над Наталляй Маныла пачынаецца 14 кастрычніка 2024 года. Адметна, што ў раскладзе судоў яе называюць «асобай, якая здзейсніла грамадска небяспечнае дзеянне». У Крымінальна-працэсуальным кодэксе тлумачыцца, што значыць гэтая фармулёўка: пасля псіхіятрычнай экспертызы эксперты прыйшлі да высновы, што Наталля «здзейсніла злачынства ў стане бессвядомасці або захварэла пасля здзяйснення злачынства псіхічным разладам».
У такім выпадку ёй могуць прызначыць прымусовае лячэнне ў якасці меры пакарання. Калі ж суд прызнае, што жанчына «захварэла на псіхічны разлад» ужо пасля здзяйснення «злачынства», то яе могуць зноўку судзіць.
Судзіць Наталлю будзе Аляксандр Рудэнка. Ён адправіў за краты некалькі дзясяткаў беларусаў па палітычных справах.
«Наша Нiва» — бастыён беларушчыны
ПАДТРЫМАЦЬ
Каментары
https://www.youtube.com/shorts/VtHQbBuXonU