Патрыятызм і ветлівасць у сацсетках. Якія пункты з'явяцца ў правілах для беларускіх школьнікаў і бацькоў
Якія пункты з'явяцца ў правілах для беларускіх школьнікаў і бацькоў, піша sb.by. Над правіламі працуюць спецыялісты Міністэрства адукацыі і Акадэмія адукацыі.
Канчатковая рэдакцыя правіл яшчэ не прынята. У планах распрацаваць два дакументы: дзесяць правілаў для навучэнцаў і дзесяць — для бацькоў. Да кожнага будзе асобная прэамбула.
— Мы хочам паказаць, што настаўнік — вучань — бацька з'яўляюцца актыўнымі ўдзельнікамі адукацыйнага працэсу. Пры гэтым акцэнт робім на настаўніку, усё ж ён асноўны ва ўстанове адукацыі. Школьнікі, бацькі павінны шанаваць гонар і годнасць педагога. Вучань — раўнапраўны ўдзельнік, меркаванне якога цэняць і да яго прыслухоўваюцца, бацькі і педагогі — галоўныя партнёры як у выхаванні, так і ў навучанні, — кажа Ірына Каржова, начальнік упраўлення агульнай сярэдняй адукацыі Мінадукацыі.
Ужо вядома, што ў правілах для вучняў прапішуць добрасумленную вучобу, імкненне да ведаў, патрыятызм, актыўны ўдзел у жыцці школы, дзелавы стыль адзення, агульначалавечыя каштоўнасці, а таксама правілы паводзін у інтэрнэт-прасторы.
— У правілах таксама прапішам, што навучэнцы не павінны пакідаць у сацсетках непаважлівыя каментары ў адрас настаўнікаў або аднакласнікаў. Важна пазбягаць рэзкіх ацэнак, не размяшчаць відэа і фатаграфіі, якія кампраметуюць іншых людзей, — кажа намеснік начальніка Цэнтра сацыяльнай, выхаваўчай і ідэалагічнай працы Акадэміі адукацыі Юрый Емельяненка.
Цяпер чытаюць
Хто тая беларуска, якую экстрадавалі ў ЗША для суда за кантрабанду дэталяў для самалётаў6
Каментары
Правильно, лучше издеваться над своим населением, но избежать окопов русского мира России.