Свет55

Расія страціла цэлы востраў у Арктыцы

Ледзяное ўтварэнне, якое раней называлася востравам Месяцава і размяшчалася ў раёне вострава Ева-Ліў архіпелага Зямля Франца-Іосіфа ў Арктыцы (адміністрацыйна адносіцца да Архангельскай вобласці), знікла са спадарожнікавых здымкаў. Пра гэта гаворыцца на сайце Расійскага геаграфічнага таварыства.

Востраў Месяцава на здымку 2021 года з дрона. Фота Аляксандра Барымава з Цэнтра марскіх даследаванняў МДУ

Востраў Месяцава ўтварыўся з аднайменнага паўвострава ў выніку раставання ледніка на востраве Ева-Ліў недзе да 1995 года.

З цягам часу плошча новага вострава пачала хутка скарачацца, а летам 2021 года ягоная паверхня змяніла колер са звыклага белага на цёмны, што прымусіла спецыялістаў выказаць здагадку, што на паверхню выйшлі карэнныя пароды.

На працягу некалькіх гадоў назіранняў плошча вострава працягвала імкліва скарачацца. 19 жніўня 2015 года яна складала каля 53 га, а ўжо 12 жніўня 2024 года на здымках быў прыкметны толькі маленькі ледзяны астравок памерам 3 га. 13 верасня 2024 года і ён канчаткова знік са здымкаў.

Назіральнікі выказалі здагадку, што ў арктычных рэгіёнах пацяпленне клімату прыводзіць да раставання леднікоў і павышэння ўзроўню мора, што выклікае эрозію берагавой лініі і знікненне некаторых формаў рэльефу. У далейшым для пацверджання знікнення вострава Месяцава і выяўлення магчымых зменаў у рэльефе марскога дна спатрэбяцца дадатковыя даследаванні.

Аднак ужо цяпер з упэўненасцю можна канстатаваць, што глабальнае пацяпленне найбольш прыкметнае ў Арктыцы і істотна адбіваецца на абрысах берагавой лініі паўночных мораў.

Каментары5

  • Імя
    02.11.2024
    І гэта Трампа яшчэ нават не абралі!
  • Жвір
    02.11.2024
    Во табе! Дык гэта, ня добра гэта. Гэтак марская пучына й хату паглыне на Пцічы, а там жа так добра піўка папіць у садочку.
  • Индеец
    03.11.2024
    [Рэд. выдалена]
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Трамп: 17 сістэм Patriot адправім ва Украіну4

Трамп: 17 сістэм Patriot адправім ва Украіну

Усе навіны →
Усе навіны

Беларускі верталёт Мі-24 збіў расійскі беспілотнік, які ляцеў ва Украіну8

Забойства палкоўніка СБУ ў Кіеве здзейснілі грамадзяне Азербайджана6

Жыхары аграгарадка звярнуліся да Лукашэнкі: дзіцячы садок закрываюць, а малых, нават двухгадовых, будуць вазіць за 20 км10

Як жыве просты мінскі зваршчык, які выйграў тры мільёны рублёў5

Куды аддаць сёлета сваіх дзяцей, каб яны вучыліся па-беларуску1

Краіны ЕС пагадзіліся знізіць цэнавае абмежаванне на расійскую нафту на 15 %

У Францыі зняволены змог збегчы з турмы — яго вынес у сумцы сукамернік, які вызваліўся

Пуцін папярэдзіў Трампа, што ў наступныя 60 дзён плануе чарговы наступ на ўсходзе Украіны5

Сабаленка адарвалася ў рэйтынгу на гіганцкія 4750 балаў5

больш чытаных навін
больш лайканых навін

Трамп: 17 сістэм Patriot адправім ва Украіну4

Трамп: 17 сістэм Patriot адправім ва Украіну

Галоўнае
Усе навіны →

Заўвага:

 

 

 

 

Закрыць Паведаміць