Легенда сусветнай музыкі, на рахунку якога 28 прэмій «Грэмі», праца з Майклам Джэксанам, Фрэнкам Сінатрай і Рэем Чарльзам, памёр ва ўзросце 91 года, піша Бі-бі-сі.
За сваю больш чым 70-гадовую кар'еру Квінсі Джонс атрымаў 28 прэмій «Грэмі» і быў намінаваны на яе 80 разоў. Акрамя гэтага, Джонс меў дзве ганаровыя прэміі «Оскар» і «Эмі» за серыял «Карані». Ён таксама атрымаў французскі ордэн Ганаровага легіёна, прэмію Рудольфа Валянціна ад Італьянскай Рэспублікі і ўзнагароду цэнтра Кэнэдзі за ўклад у амерыканскую культуру.
Квінсі Джонс стаў адным з першых паспяховых у Галівудзе чарнаскурых прадзюсараў і ўдзельнічаў у стварэнні шэрагу галоўных песень у гісторыі Амерыкі.
Пачынаючы з 60-х гадоў, Квінсі Джонс працаваў з Фрэнкам Сінатрам, Пэгі Лі, Арэтай Франклін, Донай Самер, Элай Фітцджэралд, Луі Армстронгам і іншымі знакамітымі выканаўцамі.
Аднак, мабыць, самая вядомая ягоная праца як прадзюсара — гэта прадзюсаванне альбома Майкла Джэксана Thriller ў 1982 годзе. Джонс таксама спрадзюсаваў і два іншыя альбомы Джэксана — Off The wall і Bad.
Квінсі Джонс напісаў музыку для больш за паўсотні фільмаў і тэлепраграм. У канцы 1980-х Джонс заснаваў свой лэйбл, а затым пашырыў кампанію для працы ў кіно і ТБ.
У 2013 годзе Джонс быў уведзены ў Залу славы рок-н-ролу, а часопіс Time назваў яго адным з самых уплывовых джаз-музыкаў XX стагоддзя.
Цяпер чытаюць
Залішняе будаўніцтва: ці можа любоў беларусаў інвеставаць грошы ў кватэры прывесці да крызісу на рынку нерухомасці?7
Каментары