Лукашэнка: У 2020 годзе каля Палаца Незалежнасці не пакістанцы бегалі
Разважаючы пра гарачую тэму прыцягнення ў Беларусь працоўных мігрантаў з Азіі, Лукашэнка раптам вырашыў параўнаць пакістанцаў з беларусамі, якія пратэставалі ў 2020 годзе.
Лукашэнка сёння вельмі доўга і на дзвюх розных нарадах гаварыў пра пакістанскіх мігрантаў, якіх ён збіраецца запрасіць у Беларусь. Відавочна, яго вельмі зачапіў рэзананс у сацыяльных сетках.
У гэтым рэзанансе Лукашэнка, як звычайна, абвінаваціў беларускую апазіцыю — нібыта гэта незалежныя СМІ напісалі, а не ён сам сказаў, пра 150 тысяч пакістанскіх мігрантаў для Беларусі. Палітык зноў абвінаваціў беларусаў у тым, што яны працуюць недастаткова добра і нараджаюць мала дзяцей. Паводле слоў Лукашэнкі, каб не прыцягваць мігрантаў, беларусы павінны нараджаць па трое-чацвёра, а то і пяцёра дзяцей.
Пасля гэтага Лукашэнка паспрабаваў супакоіць аўдыторыю. Ён заявіў, што будзе «прасвечваць» усіх мігрантаў, якія прыедуць у краіну. І загадаў адразу ж выслаць усіх, хто парушае закон. Лукашэнка даручыў кіраўніку Гомельскай вобласці Івану Крупко шукаць мігрантаў па ўсім свеце, запрашаць іх у рэгіён, даць ім працу і зямлю.
І тут ён раптам вырашыў параўнаць пакістанцаў з тымі, хто пратэставаў у 2020 годзе супраць фальсіфікацыі выбараў і міліцэйскага гвалту беларусамі.
«Мы нікому не дазволілі за гэты час і не дазволім пераварочваць краіну. У 2020 годзе тут каля Палаца незалежнасці не пакістанцы бегалі», — з пэўнай крыўдай на беларусаў сказаў Лукашэнка. Падобна, што ў замене мігрантамі дзясяткаў, а то і соцень тысяч нязгодных з яго палітыкай беларусаў, якія былі вымушаныя выехаць, ён бачыць не толькі эканамічны, але і палітычны патэнцыял.
Дарэчы, у лістападзе 2024 года Лукашэнка прыляцеў у Ісламабад і напэўна адчуў флэшбэкі. У момант яго візіту пакістанская сталіца была акружаная пратэстоўцамі, а месца, дзе Лукашэнка сустракаўся з лідарам Пакістана, знаходзілася зусім побач з цэнтральнай плошчай, дзе адбывалася жорсткае супрацьстаянне мітынгоўцаў з паліцыяй.
Лукашэнка апраўдваецца за ідэю з прыездам 150 тысяч пакістанцаў — гэта, каб «захаваць наш народ»
«Яны чамусьці думаюць, што іх зараз згвалцяць». Прапаганда кінулася тушыць абурэнне беларусаў 150 тысячамі пакістанцаў
Навошта Лукашэнку спатрэбіліся 150 тысяч пакістанцаў?
Што значыць прыезд 150 тысяч мігрантаў з Пакістана ў Беларусь: погляд Ігара Тура
Лукашэнка: Мы хочам з Пакістана спецыялістаў, а не проста моладзь. І найперш у Баранавічы
Цяпер чытаюць
«Яна гадамі цярпела, а пасля адзін раз ударыла мужа нажом — гэтага хапіла, каб забіць»14
Каментары
Нас...ать ему на беларусов, пакистанцы, мароканцы, китайцы и русские ему намного милее, нужнее и приятнее.
Пока пробует заменить не всех беларусов, а молодых и работающих, эти же ОПАСНЫ для него !
Ему проще заменить всех беларусов, - выгнать беларусов из Беларуси, особенно тех, кто не согласен быть русским, пакистанцем, мароканцем, китайцем !