Прадпрыемства ўласніка Wargaming Віктара Кіслага ў Расіі прызналі экстрэмісцкім
Генпракуратура Расіі просіць Таганскі суд Масквы забараніць у Расіі за ажыццяўленне экстрэмісцкай дзейнасці аб'яднанне, якое складаецца з уладальніка кампаніі «Леста» Маліка Хатажаева і ўласніка Wargaming Віктара Кіслага, а таксама спагнаць 100% доляў «Лесты» на карысць дзяржавы, пішуць РІА «Навіны»
Генпракуратура лічыць, што Кіслы і Хатажаеў ствараюць экстрэмісцкае аб'яднанне і ажыццяўляюць экстрэмісцкую дзейнасць на тэрыторыі РФ. У пазове заяўнікам прыкладзены публікацыі з загалоўкамі «Самая ваенная гульня World of Tanks супраць спецаперацыі Расіі», «Як Wargaming перажыў 25 гадоў — і справіўся з вайной ва Украіне», «Wargaming запусціла дабрачынны праект з украінскім кантэнтам у гульнях для збору на рэанімабілі».
«Леста» накіравала прыватную скаргу на вызначэнне Таганскага раённага суда ў частцы абскарджвання забеспячальных мер па пазове пракуратуры, якія прывялі да блакіроўкі рахункаў і забароны юрыдычных дзеянняў. Кіраўніцтва «Лесты» настойвае, што меры з’яўляюцца празмернымі і наносяць шкоду дзейнасці кампаніі.
«Леста» ўдзельнічае ў праектах, прысвечаных падрыхтоўцы да святкавання 80-годдзя Перамогі ў Вялікай Айчыннай вайне, рэалізуе ўнікальны ў сусветнай кіберспартыўнай індустрыі Парад Перамогі на Чырвонай плошчы ў гульні «Свет танкаў», праводзіць першыя кіберспартыўныя спаборніцтвы на федэральным тэлебачанні пад назвай «Кубак Першага канала. Свет танкаў» і міжнародны кіберспартыўны турнір па расійскай гульні «Свет танкаў» у рамках святкавання Дня Перамогі ў Беларусі з рэканструкцыяй танкавых баёў супраць нацысцкай Германіі, гаворыцца ў скарзе.
Віктар Кіслы заняў 8-е месца ў Топе-100 бізнэсоўцаў Беларусі за 2025 год. Раней ён не раз гэты рэйтынг узначальваў.
У 2016 годзе Кіслы быў таксама прызнаны афіцыйным даляравым мільярдэрам выданнем Bloomberg.
У пачатку красавіка з'явілася інфармацыя, што саўладальніка «Варгеймінга» Мікалая Кацалапава абвінавачваюць у данатах на 296 тысяч даляраў структурам руху за свабодныя выбары ў Беларусі. Супраць яго завялі спецвытворчасць.
Цяпер чытаюць
Міліцыя затрымала таго самага расійскага турыста, які кінуў недакурак на вуліцы. Заўтра суд33
Каментары