Польская пракуратура закрыла справу пра напад футбольных фанатаў на беларускага трэнера
Польскія праваахоўнікі так і не змаглі знайсці, хто нападаў на беларускага трэнера Аляксандра Хацкевіча, і ў выніку справу закрылі, піша «Белсат».
У сакавіку гэтага года група хуліганаў уварвалася на трэніроўку польскага футбольнага клубу «Заглэмбе» з Сасноўца і нібыта пабіла трэнера клуба — беларуса Аляксандра Хацкевіча. Нападнікі крычалі, каб ён ехаў назад у Беларусь. Канфлікт удалося суцішыць пасля ўмяшання іншых чальцоў каманды.
Агент Хацкевіча Вадзім Шаблій пасля здарэння, праўда, расказаў, што трэнера не білі, а «былі толькі спробы і пагрозы на ягоны адрас з боку незразумелых людзей, хуліганаў».
Каманда на той час займала апошняе месца ў другім дывізіёне Польшчы.
Сам Хацкевіч пасля нападу гаварыў, што не збіраўся падаваць заяву наконт гэтага інцыдэнта, але крымінальная паліцыя настаяла на напісанні заявы, каб пачаць расследаванне.
«Мы атрымалі ліст ад пракуратуры, што нікога не ўдалося знайсці і справа закрытая. Я не здзіўлены. У Польшчы ёсць сістэма правасуддзя, паліцыя, пракуратура, суд, спадзяюся, што рашэнне прынялі кампетэнтныя людзі», — цытуе выданне Onet словы былога спартыўнага дырэктара клуба Міхаіла Залеўскага.
Неўзабаве пасля таго Хацкевіч і Залеўскі пакінулі клуб «Заглэмбе». А іх ужо былая каманда ўрэшце вылецела з другога дывізіёна.
Звольнены Хацкевіч атрымае кампенсацыю ад польскага клуба
Гульцы «Заглэмбе» кажуць, што Хацкевіч ставіўся да іх як да смецця
«Заглэмбе» выступіў з заявай наконт сітуацыі з Хацкевічам і анансаваў кадравыя змены цягам сутак
Хацкевіч: Клуб не паклапаціўся аб належнай бяспецы
Польскія футбольныя фанаты ўварваліся на трэніроўку і збілі беларускага трэнера Аляксандра Хацкевіча
Беларускі трэнер Аляксандр Хацкевіч трапіў у няёмкую сітуацыю ў Польшчы
Каментары