Міліцыя папярэдзіла пра перакрыццё вуліц у Мінску ў сувязі з вучэннямі
Міліцыя праводзіць у Беларусі маштабнае камандна-штабное вучэнне. Сёння плануецца адпрацоўка практычных дзеянняў па спыненні групавых парушэнняў грамадскага парадку.
Таксама ў адным з гандлёва-забаўляльных цэнтраў краіны пройдзе трэніроўка падраздзяленняў спецыяльнага прызначэння з мэтай праверкі выразнасці і зладжанасці іх дзеянняў у выпадку ўскладнення аператыўнай абстаноўкі, паведамляе прэс-служба МУС.
У ведамстве звяртаюць увагу, што ў сувязі з перамяшчэннем спецтэхнікі на некаторы час будуць перакрывацца ўчасткі вулічна-дарожнай сеткі.
Нагадаем, што ўчора стала вядома, што МУС з 19 па 22 лістапада праводзіць у Беларусі маштабнае камандна-штабное вучэнне пад эгідай Дзяржаўнага сакратарыята Рады бяспекі па даручэнні Лукашэнкі. Падчас вучэнняў міліцыя прадэманструе гатоўнасць да аператыўнага рэагавання на «магчымыя ўскладненні абстаноўкі ў краіне падчас выбарчай кампаніі». Мэта — «недапушчэнне праяў экстрэмізму і тэрарызму, уцягвання грамадзян у супрацьпраўныя дзеянні і спыненне парушэнняў грамадскага парадку».
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары