Лукашэнка і Пуцін дамовіліся па роўмінгу. Вось колькі будзе каштаваць інтэрнэт
Сапраўдная эпапея па адмене роўмінгу паміж Беларуссю і Расіяй, падобна, падыходзіць да свайго фіналу. Гаворка ідзе пра камфортныя тарыфы для абанентаў.
Беларусь і Расія прынялі рэзалюцыю аб стварэнні камфортных тарыфаў на паслугі сувязі ў дзвюх краінах. Новыя ўмовы павінны запрацаваць з 1 сакавіка 2025 года.
Міністр сувязі і інфарматызацыі Беларусі Канстанцін Шульган расказаў пра тарыфы пасля адмены роўмінгу. Напрыклад, калі тарыфны план уключае бясплатныя 300 хвілін для званкоў у іншыя сеткі, то гэтыя ж хвіліны выкарыстоўваюцца і ў роўмінгу. Калі такіх хвілін не прадугледжана, кошт званка ў роўмінгу складзе 11 беларускіх капеек за хвіліну, піша БелТА.
«Не менш за 300 хвілін галасавых, з якіх не менш за 150 — выходнага трафіку і не менш за 150 — уваходнага трафіку. Сярэдняе знаходжанне ў роўмінгу — парадку пяці дзён. Быў прааналізаваны партрэт абанента ў роўмінгу, і гэтыя хвіліны — гэта якраз тое, каб камфортна сябе адчуваць ва ўмовах знаходжання ў сетцы іншага аператара», — сказаў Канстанцін Шульган.
Акрамя таго, у роўмінгу можна будзе выкарыстоўваць 5 гігабайт мабільнага інтэрнэт-трафіку на льготных умовах: 1 гігабайт абыдзецца ў 4 беларускія рублі.
Беларусь і Расія вырашылі адмяніць роўмінг яшчэ ў 2017 годзе. З таго часу краіны прапусцілі некалькі кантрольных дат, а чыноўнікі перыядычна заяўлялі, што роўмінг «вось-вось адменяць». Але рашэнне пастаянна пераносілася.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?8
Каментары
Или "20 лет спустя".
Два старца решили проблему, которая актуальна была 20 лет назад))))
Сейчас все по вайбервм и телеграмам звонят