З пачатку поўнамаштабнай вайны загінулі 43 тысячы ўкраінскіх вайскоўцаў. Пра гэта заявіў прэзідэнт Украіны Уладзімір Зяленскі.
«Нашы людзі коштам сваіх жыццяў абараняюць свой дом, і кожнае жыццё нашых ваяроў і нашых цывільных каштоўнае для нас. З пачатку поўнамаштабнай вайны Украіна страціла 43 тысячы воінаў, якія загінулі на полі бою. 370 тысяч выпадкаў аказання дапамогі параненым, і гэта з улікам, што ў нашым войску прыкладна 50 працэнтаў параненых вяртаюцца ў строй, і фіксуюцца ўсе раненні, у тым ліку лёгкія і паўторныя», — сказаў Зяленскі.
Ён таксама назваў сваю ацэнку расійскіх страт. Па ягоных словах, Расія страціла 198 тысяч чалавек забітымі, больш за 550 тысяч атрымалі раненні.
«З верасня гэтага года Расія губляе на полі бою людзей у суадносінах 5 і нават 6 супраць 1 у нас. Так яны хочуць захапіць больш зямлі, перш чым ціск свету на іх можа ўзмацніцца да невыноснага», — напісаў Зяленскі.
У лютым 2024 года Зяленскі казаў, што з пачатку поўнамаштабнай вайны з Расіяй загінула 31 тысяча ўкраінскіх вайскоўцаў.
У канцы лістапада 2024 года журналісты ацанілі, колькі ўкраінцаў загінула ў вайне з расіянамі. Паводле выдання The Economist, Украіна магла страціць ад 60 да 100 тысяч салдат загінулымі, яшчэ каля 400 тысяч салдат маглі атрымаць цяжкія раненні. Што тычыцца расійскіх страт, то, паводле даных выдання, Расія за гэты час страціла каля 200 тысяч вайскоўцаў забітымі.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары