Жонка паэта Валянціна Барадуліна кажа, што Рыгор Іванавіч пакуль яшчэ слабы, да канца не ачунялы, і яму трэба адпачыць і пабыць ў цішыні.
Родныя Рыгора Барадуліна просяць яго сяброў і знаёмых, а таксама ўсіх прыхільнікаў творчасці народнага паэта Беларусі пакуль не наведваць яго ў клініцы.
Жонка паэта Валянціна Барадуліна адзначыла, што Рыгор Іванавіч пакуль яшчэ слабы, да канца не ачунялы, і яму трэба адпачыць і пабыць ў цішыні.
Вечарам 14 лютага Барадулін быў шпіталізаваны ў аддзяленне рэанімацыі Рэспубліканскай бальніцы Кіраўніцтва спраў прэзідэнта з дыягназам «левабаковая пнеўманія, ускладненая ацёкам лёгкіх» і тэмпературай звыш 40 градусаў. 1 сакавіка паэт быў пераведзены з рэанімацыі ў тэрапеўтычнае аддзяленне клінікі.
10 лютага Барадулін выпісаўся з Мінскай гарадской клінічнай бальніцы № 10, дзе лячыўся ў аддзяленні кардыялогіі. 13 лютага ён меў намер браць удзел у прэзентацыі сваёй новай кнігі паэзіі на беларускай і рускай мовах «Перакуленае/Опрокинутое», выпушчанай маскоўскім выдавецтвам «Время» да яго 75‑годдзя (24 лютага), аднак не змог зрабіць гэтага па стане здароўя.
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары