Кіраўніка кантрольнага ўпраўлення Міністэрства па падатках і зборах злавілі на атрыманні хабараў
Яшчэ летась Андрэй Сідарчук быў на штогадовым выступе Лукашэнкі ў Палацы Рэспублікі. Цяпер жа ён за кратамі.
Андрэй Сідарчук доўгі час працаваў у структуры Міністэрства па падатках і зборах. Як мінімум з 2019 года ён узначальваў Галоўнае ўпраўленне арганізацыі кантрольнай дзейнасці міністэрства.
У кампетэнцыю яго ўпраўлення ўваходзіць, напрыклад, кантроль за праверкамі падатковай, аналіз метадаў абыходу падатковага заканадаўства, а таксама барацьба ў незаконным прадпрымальніцтвам. Відаць, Сідарчук быў на добрым рахунку, бо працаваў доўга, а ў 2023-м прысутнічаў на штогадовым звароце Лукашэнкі.
Невядома, калі яго арыштавалі, але знік ён пасля лютага 2024 года. Цяпер замест яго кантрольнае ўпраўленне ўзначальвае Таццяна Яўдасьева.
Разам з Сідарчуком судзяць дваіх прадпрымальнікаў — Міхаіла Стэльмаха і Марыну Бабкевіч. Абое яны фінансавыя кансультанты, Стэльмах — па пытаннях камерцыйнай дзейнасці і кіравання, а Бабкевіч — па падаткаабкладанні.
Суд пачынаецца 17 студзеня 2025. Сярод абвінавачванняў удзельнікам групы ёсць «атрыманне хабару» (ч. 2 і ч. 3 арт. 430 КК), а ёсць «дача хабару» (ч. 1 і ч. 3 арт. 431 КК).
Хутчэй за ўсё, хабар давалі менавіта Сідарчуку. Яму будзе пагражаць да 15 гадоў калоніі, буйны штраф і забарона займаць пэўныя пасады.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Я супрацоўнік КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку21
Каментары
Памяншэньне рабунку станоўчая, карысная зьява