30‑гадовы п’яны гамяльчанін адкусіў вуха сваёй маці.
Як паведамілі ў прэс‑службе УУС Гомельскага аблвыканкама, па гэтым факце 3 сакавіка распачата справа па арт. 147 Крымінальнага кодэкса (нанясенне цяжкіх цялесных пашкоджанняў). Злачынства было раскрыта падчас расследавання іншай крымінальнай справы ў дачыненні да раней не судзімага мужчыны. Міліцыя ўстанавіла, што раніцай 12 снежня 2009 года па месцы жыхарства ў стане алкагольнага ап’янення падазроны «зубамі прычыніў траўматычную ампутацыю левай вушной ракавіны сваёй маці 1951 года нараджэння, якая жыве з ім». Паводле заключэння экспертызы, сын нанёс маці «цяжкія цялесныя пашкоджанні, што знявечваюць твар».
Гэта не першы падобны выпадак у Гомельскай вобласці — у лістападзе 2009 года 24‑гадовы жыхар Рэчыцы быў прыгавораны да трох гадоў пазбаўлення волі за тое, што адкусіў кончык носа ў падлетка. Распіваючы спіртныя напоі ў двары дома, ён папрасіў у падлеткаў, якія ішлі міма, закурыць. Яму не спадабаўся тон адмовы школьнікаў, ён завязаў бойку, падчас якой адкусіў кончык носа ў 15‑гадовага падлетка. Пацярпелага забрала хуткая, частку носа прышылі, але, паводле заключэння экспертызы, «траўма насіла цяжкі характар», у выніку чаго твар школьніка знявечаны.
Прапагандысты запэўніваюць, што 196 палітвязняў ужо на свабодзе9
Каментары