У Кіеве падчас расійскага абстрэлу на Новы год загінуў вядомы нейрабіёлаг — разам з жонкай і катом
Раніцай 1 студзеня расійскія войскі атакавалі Кіеў ударнымі беспілотнікамі. Падчас гэтай атакі загінулі муж і жонка — украінскія навукоўцы Ігар Зіма і Алеся Сакур.
Сямейная пара загінула разам з катом «проста ў сябе дома ў ложку», паведаміла ў сацсетках іх знаёмая.
Навукоўцы жылі ў сталінцы з вежай насупраць будынка Нацыянальнага банка.
«Амаль усё сваё жыццё сям'я аддала навуцы, шмат гадоў працуючы ў Інстытуце біялогіі і медыцыны Кіеўскага нацыянальнага ўніверсітэта імя Тараса Шаўчэнкі», — расказаў пра іх міністр адукацыі і навукі Аксэн Лісавы.
Ігар Зіма быў выбітным нейрабіёлагам. Ён выкладаў у Інстытуце біялогіі і медыцыны Кіеўскага нацыянальнага ўніверсітэта імя Тараса Шаўчэнкі і працаваў у прыватным медыцынскім цэнтры, які займаецца дыягностыкай і лячэннем спадарожных захворванняў у людзей з аўтызмам і іншымі асаблівасцямі развіцця, піша Hromadske.
Яго навуковы стаж складае больш за 40 гадоў. Сярод яго навуковых інтарэсаў — даследаванне механізмаў кагнітыўнай дзейнасці мозгу чалавека, эмоцый, увагі і сістэм прыняцця рашэнняў, электрафізіялогія нейрасетак, нейрапсіхалогія і г. д.
Алеся Сакур была доктарам біялагічных навук, як і муж.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары