У Беларусі знізяцца цэны на індычыну. На гэта сціпла спадзяваўся Галоўчанка
У Беларусі зніжана стаўка ПДВ на гатовыя прадукты з індычыны — з 20% да 10%. Гэта тычыцца тавараў, адгружаных з 1 студзеня 2025 года, паведамляе БелТА.
У Мінпадаткаў адзначылі, што рознічныя цэны на такія прадукты, якія засталіся на складах на 1 студзеня, можна перагледзець для карэкціроўкі сум ПДВ.
Як раней казаў прэм’ер-міністр Беларусі Раман Галоўчанка, урад унёс прапанову аб ураўноўванні стаўкі ПДВ на індычыну з ПДВ на курыцу і іншую птушку.
«Бо атрымалася, што на індычыну ПДВ быў 20%, а на іншую птушку — 10%. Спадзяюся, што з 2025 года індычына нават крыху патаннее», — адзначыў Раман Галоўчанка.
Каментары