У 2024 годзе ў Тайландзе адпачылі больш за 20,6 тыс. турыстаў з Беларусі. У папярэднім годзе такіх было звыш 9 тыс. чалавек, то-бок адбыўся рост больш чым у два разы, паведамляе Рэспубліканскі саюз туріндустрыі са спасылкай на расійскую асацыяцыю тураператараў.
Прычына такога моцнага росту турыстычнай плыні з Беларусі ў Тайланд у тым ліку ў спрашчэнні візавага рэжыму. З 15 ліпеня 2024 года беларусы могуць афармляць візу па прыбыцці ў аэрапорт Тайланда.
Для гэтага патрэбныя запоўненая анкета, фатаграфія, пацвярджэнне пражывання і зваротнага квітка. Таксама важна, каб на чалавека было ад 10 тыс. бат (каля 1 тыс. беларускіх рублёў), наяўнасць гэтай сумы трэба даказаць.
Пры гэтым прамых авіязносін у Беларусі з Тайландам пакуль няма. Як правіла, беларусы лётаюць туды праз Маскву.
Каментары