Грамадства33

Былы супрацоўнік Службы бяспекі Лукашэнкі стаў выканаўчым дырэктарам у Белгазпрамбанку

У жніўні 2024 года былы супрацоўнік Службы бяспекі Лукашэнкі Сяргей Чэпікаў заняў пасаду выканаўчага дырэктара ў Белгазпрамбанку. Публічна пра гэта нідзе не паведамлялася, піша «Бюро». На сайце Белгазпрамбанка няма ніякіх згадак пра новага выканаўчага дырэктара.

Згодна з данымі, атрыманымі ад «Кіберпартызан», Сяргей Чэпікаў служыў у Службе бяспекі Лукашэнкі як мінімум з 2005-га па 2021 год. У лютым 2020 года ён атрымаў узнагароду «За волю да перамогі» ў міжведамасным турніры па більярдзе за каманду СБП. А ў 2024-м заняў пасаду ў Белгазпрамбанку. 

Журналісты патэлефанавалі Сяргею Чэпікаву, і ён пацвердзіў ім сваё прызначэнне. На пытанне, чаму менавіта ён атрымаў дырэктарскую пасаду ў Белгазпрамбанку, Чэпікаў адказаў: «Ну, напэўна, таму што варты».

Паводле слоў Чэпікава, ён не працаваў у СБП менавіта «целаахоўнікам Лукашэнкі». Але чым менавіта займаўся ў гэтай структуры, расказаць не захацеў. У Службу бяспекі Лукашэнкі Чэпікаў трапіў з беларускага войска, дзе ў тым ліку служыў у Кіналагічным цэнтры. Адна з задач цэнтра — падрыхтоўка кадраў для аховы разнастайных асаблівых аб’ектаў. 

Гэта не першае прызначэнне былых супрацоўнікаў Службы бяспекі Лукашэнкі на кіраўнічыя пасады ў банках. Раней журналісты выдання «Люстэрка» расказалі пра «галавакружную кар’еру» галоўнага ахоўніка Лукашэнкі Аляксея Ляшкевіча. Яго неаднаразова бачылі ў атачэнні Лукашэнкі, у тым ліку падчас міжнародных паездак. 

У лютым 2024 года Ляшкевіч заняў пасаду выканаўчага дырэктара ў Беларусбанку. Паводле слоў крыніцы «Люстэрка» ўнутры банка, гэтая пасада была створаная спецыяльна пад Ляшкевіча, раней выканаўчага дырэктара, які курыруе пытанні бяспекі, у структуры праўлення банка не было.

Каментары3

  • Бабарико 2.0. Тихановский по-прежнему в списке Миротворец
    21.01.2025
    [Рэд. выдалена]
  • Лол
    21.01.2025
    І што змянілася ? Адзін быў падчаналены чэкіста Міллера, другі падначалены чэкіста Лукі. У чым сенсацыя ?
  • Влад
    21.01.2025
    Он племянник Ермаковой.

Цяпер чытаюць

Каго з бізнэсменаў Лукашэнка паклікаў да сябе на нараду? Была і заснавальніца Wildberries8

Каго з бізнэсменаў Лукашэнка паклікаў да сябе на нараду? Была і заснавальніца Wildberries

Усе навіны →
Усе навіны

Russia Today праводзіць у Мінску школу для журналістаў. Прыехаў і Прыдыбайла7

Трамп хоча спыніць агонь ва Украіне да Вялікадня13

У Курскай вобласці УСУ разбілі калону расійскай элітнай брыгады пад сцягамі СССР16

У Саудаўскую Аравію прыляцела ўкраінская дэлегацыя4

Марзалюк пра новы гістарычны музей: Сустракаць наведвальнікаў будуць самыя важныя ў нацыянальнай гісторыі асобы11

Як выраслі цэны ў Беларусі за апошнія чатыры гады

Лідарка «Альтэрнатывы для Германіі» заявіла, што хоча добрых стасункаў з Расіяй, і назвала яе вялікай дзяржавай31

Стала вядома, колькі беларусаў сядзіць у польскіх ізалятарах5

Прадалі аўто, а штрафы прыходзяць вам — што рабіць?2

больш чытаных навін
больш лайканых навін

Каго з бізнэсменаў Лукашэнка паклікаў да сябе на нараду? Была і заснавальніца Wildberries8

Каго з бізнэсменаў Лукашэнка паклікаў да сябе на нараду? Была і заснавальніца Wildberries

Галоўнае
Усе навіны →

Заўвага:

 

 

 

 

Закрыць Паведаміць