23 студзеня на магістральным трубаправодзе на адной са сталічных вуліц выявілі ўцечку газападобнага азоту. Інфармацыя пра ўцечку з'явілася ў афіцыйным тэлеграм-канал канцэрна «Белнафтахім».
Паводле звестак «Белнафтахіма», інфармацыя паступіла ад прадпрыемства «Крыён», якое таксама знаходзіцца ў Мінску і займаецца выпускам крыягенных прадуктаў. Уцечку выявілі на ўчастку магістральнага трубаправода ў раёне вуліцы Машынабудаўнікоў на скрыжаванні з Мінскай кальцавой аўтадарогай.
Газападобны азот можа ўяўляць небяспеку для чалавека, але толькі ў вялікіх канцэнтрацыях і пры працяглым уздзеянні. У гэтым выпадку азот пачынае дзейнічаць у якасці задушлівага сродку, выклікаючы дыхавіцу, паколькі фактычна замяняе кісларод ва ўдыханым паветры, што прыводзіць да гіпаксіі. У гэтым выпадку непазбежнае ўздзеянне на цэнтральную нервовую сістэму і таксічнае паражэнне арганізма.
У «Белнафтахіме» падкрэслілі, што гэтая ўцечка газу не ўяўляе небяспекі для мінчукоў. Сам газ не з'яўляецца выбухованебяспечным і не наносіць экалагічнай шкоды прыродзе.
Утрыманне азоту ў атмасферным паветры, паводле даных прадпрыемства, адпавядае норме — 78%. У канцэрне адзначылі, што на працы прадпрыемстваў-спажыўцоў газападобнага азоту надзвычайнае здарэнне не адбілася, а спецыялісты цяпер вядуць работы для ліквідацыі ўцечкі.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў124
Каментары
Срочный репост!
Предупредите всех!