Грамадства33

У Лідзе вызначыліся, як будзе выглядаць помнік паэту Валянціну Таўлаю ФОТА

Напрыканцы мінулага года стала вядома, што ў Лідзе з’явіцца помнік беларускаму паэту Валянціну Таўлаю. Цяпер стала вядома, як ён будзе выглядаць. Пра гэта паведамілі ў афіцыйным тэлеграм-канале старшыні Лідскага райвыканкама Аляксандра Вярсоцкага. 

Праект скульптара Сяргея Логвіна, якому аддалі перавагу

З васьмі эскізных праектаў перавагу аддалі таму, які стварыў скульптар Сяргей Логвін. Па задумцы аўтара, Валянцін Таўлай трымае ў руках газету «Уперад», папярэдніцу цяперашняй раённай «Лідскай газеты». Праўда, гэты праект яшчэ павінна разгледзець рэспубліканская мастацка-экспертная рада па манументальным мастацтве.

Усе восем праектаў помніка, выстаўленыя на конкурс 

Чакаецца, што помнік зробяць з бронзы, а стаяць ён будзе ў паркавай зоне на скрыжаванні лідскіх вуліц Таўлая і Качана

Адкрыццё помніка запланаванае на 7 верасня 2025 года ў Дзень беларускай пісьменнасці, які сёлета будзе прымаць акурат Ліда.

Валянцін Таўлай нарадзіўся 8 лютага 1914 года ў Баранавічах у сям’і чыгуначніка. Дзяцінства прайшло ў вёсцы Рудаўка на Слонімшчыне.

Пачатковую адукацыю Валянцін атрымаў у польскай школе ў Лідзе, а ў 1927-1929 гадах вучыўся ў Віленскай беларускай гімназіі. Сімпатызаваў камуністам, праводзіў падпольную дзейнасць, за што неаднаразова знявольваўся. Апошні раз быў асуджаны на 8 гадоў турмы.

У 1939 годзе, пасля выхаду з турмы пасля прыходу ў Заходнюю Беларусь савецкіх войскаў, пасяліўся ў Ліду, дзе жыў у доме Кіры Брант, сваёй першай жонкі, працуючы ў рэдакцыі раённай газеты «Уперад». У гэты перыяд займаўся творчай працай, рыхтаваў да друку вершы для свайго зборніка «Шляхі і краты».

Пасля вайны Валянцін Таўлай перабраўся ў Мінск, дзе ў 1945 — 1947 гадах працаваў навуковым супрацоўнікам, намеснікам дырэктара Літаратурнага музея Янкі Купалы. Памёр 27 красавіка 1947 года ад хваробы сэрца ва ўзросце 33 гадоў.

Пахаваны ў Мінску на Вайсковых могілках.

Ягоным імем названыя вуліцы ў Баранавічах, Гродне, Лідзе і Маладзечне, бібліятэкі ў Баранавічах і Лідзе. У 2014 годзе да 100-годдзя паэта «Белпоштай» быў выпушчаны адмысловы канверт, а ў Лідзе адкрытыя дзьве памятныя шыльды на будынку рэдакцыі «Лідскай газеты» («Уперад»), у якой ён працаваў, і на доме, у якім ён жыў у 1939—1941 гадах.

Каментары3

  • Янка
    30.01.2025
    Я так разумею, што галоўным ягоным творчым дасягненнем было сыпматызаванне камуністам пад час Другой Рэчы Паспалітай і сядзенне ў "жудасных умовах панскіх засценкаў", бо нават пары строк з ягонай творчасці ўзгадаць не атрымалася. Тое, што камуністы амаль што цалкам вынішчылі беларускую творчую інтэлігенцыю ў 30х, Таўлай "не заўважаў". Яму яшчэ вельмі пашанцавала, што савецкія "вызваліцелі" не адправілі яго за Ўрал альбо ў Курапаты
    • feafania
      30.01.2025
      Янка, зазра вы так. Я, хоць і ведала пра наяўнасьць такой вуліцы ў Гродне, ніколі ня чула пра ягоную творчасьць. Вось зараз знайшла пару строк. Паглядзіце, яго вершы вельмі актуальны сёньня і апісваюць сучасную беларускую рэчаіснасьць:

      Ідзе за годам год,
      Сівеюць людзі, хаты, —
      І ўсё ў ярме народ,
      А над шляхамі — краты.

      І ўсё фарбуюць брук
      Крыві ахвярнай плямы.
      Чуваць астрожнай брамы
      На ўсю краіну грук.

      І маці не адна
      Глытае моўчкі слёзы:
      Зноў сына па дарозе
      Пагналі ў кайданах...
  • feafania
    30.01.2025
    Паказальна, што на помнік Максіму Багдановічу ці шыльду Васілю Быкаву ў Гродне ў рэжыму грошаў няма
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?16

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Усе навіны →
Усе навіны

У Беларусі з'явіліся паслугі целаахоўнікаў. Колькі каштуе гадзіна?2

«Праз 9 месяцаў узніклі пытанні». Паход у абменнік для 80-гадовага мужчыны скончыўся вялікімі непрыемнасцямі1

Міністр абароны Літвы: У НАТА ёсць 3-4 гады, каб падрыхтавацца да вялікай вайны ў Еўропе11

«Нам не патрэбныя пасярэднікі, нам патрэбныя саюзнікі». Украінскі дыпламат рэзка выказаўся аб выніках Мюнхенскай канферэнцыі3

Пазняк пра 1990-я: «Ніхто не зрабіў большай шкоды для нацыянальных інтарэсаў Беларусі, чым гэта істота». Пра каго ён?110

Літоўская фірма магла таемна сачыць за амерыканскімі вайскоўцамі ў Еўропе і прадаваць іх даныя трэцім асобам6

«Ты будешь сотрудничать, б*, или нет?» Як у Беларусі схіляюць да супрацоўніцтва са спецслужбамі7

ЗША правядуць двухбаковыя перамовы з Расіяй і Украінай, а ўжо потым — сумесныя2

«Існуе праект па стварэнні адзінага каталога франшыз Саюзнай дзяржавы». Як у Беларусь заходзяць расійскія сеткі крам і кафэ7

больш чытаных навін
больш лайканых навін

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?16

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Галоўнае
Усе навіны →

Заўвага:

 

 

 

 

Закрыць Паведаміць