Спявак з Італіі заявіў, што яго ўжо запрасілі ў Маскву на «канцэрт міру»
81-гадовы італьянскі спявак Аль Бана заявіў, што ў канцы лета або пачатку восені ў Маскве плануюць канцэрт «за мір». Яго запрасілі выступіць на ім. Пра гэта ён сказаў італьянскаму інфармацыйнаму агенцтву ANSA.
Паводле слоў музыкі, ён даведаўся ад свайго былога арганізатара канцэртаў у Расіі, што да канца жніўня або пачатку верасня на Краснай плошчы плануюць арганізаваць канцэрт «за мір». Арганізатар нібыта сказаў спеваку «быць гатовым».
«З тых навін, якія мы ўсе бачылі, што Пуцін і Трамп пагаварылі, — нешта адбылося і яшчэ адбудзецца», — мяркуе Аль Бана.
Гэта ўжо не першы раз, калі ён робіць падобныя заявы. У канцы студзеня ў інтэрв'ю выданню La Stampa Аль Бана заявіў, што яго запрасілі спяваць «у гонар міру» на канцэрце ў Маскве «ў верасні, самае пазней у кастрычніку».
У 2014 годзе ў інтэрв'ю газеце Corriere della Sera спявак заявіў, што падтрымлівае расійскага лідара Уладзіміра Пуціна і расійскую анексію Крыма. Акрамя таго, ён не раз выступаў у Расіі. За гэта ў 2019 годзе Міністэрства культуры Украіны ўнесла італьянскага спевака Аль Бана ў пералік асоб, якія ўяўляюць пагрозу нацыянальнай бяспецы Украіны.
Пасля пачатку поўнамаштабнага расійскага ўварвання ва Украіну ў чэрвені 2022 года Аль Бана заявіў, што быў «вялікім прыхільнікам Пуціна», але той яго, маўляў, «здзівіў» сваім нападам на Украіну, якую ён назваў «маленькай краінай», нападаць на якую было «не па-чалавечы».
ЗША далі зразумець Украіне, што гатовыя размясціць у краіне войскі ў абмен на доступ да 50% яе карысных выкапняў
«План, як спыніць Пуціна і скончыць вайну». Зяленскі сустрэўся з віцэ-прэзідэнтам ЗША ў Мюнхене
Вэнс заявіў, што ягоныя словы перакруцілі — ён не дапускае магчымасці адпраўкі амерыканскіх войскаў ва Украіну
Назвалі магчымых перамоўшчыкаў аб міры з боку Пуціна
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары
Італія без вады - 294 000 км².
Падобна што старыя маразматыкі - сёння транснацыянальная праблема чалавецтва.