Аб гэтым паведамляе рэсурс onliner.by са спасылкай на Business Week. «Улады Кітая занялі жорсткую пазіцыю, а ў Google ёсць свае прынцыпы, і яна збіраецца сыходзіць» -- заявіў кіраўнік кампаніі EmporioAsia Леа Бурнет ў Шанхаі.
Улады Кітая распаўсюдзілі адпаведную заяву сярод фірм і прадпрыемстваў, якія супрацоўнічаюць з Google у галіне рэкламы, дзе рэкамендуюць перайсці на іншыя сэрвісы.
Дасведчаныя крыніцы сцвярджаюць, што кіраўніцтва Google ўжо выпрацавала падрабязны план закрыцця пошукавага сэрвісу ў Кітаі. У тым, што гэта адбудзецца ў найбліжэйшы час, інтэрнэт-кампанія ўпэўненая на 99,9%.
Па словах экспертаў, пасля нядаўняй заявы міністра прамысловасці і інфармацыйных тэхналогій КНР Лі Ючжона перамовы паміж Google і кітайскім урадам канчаткова зайшлі ў тупік.
Нагадаем, 12 сакавіка Лі Ючжон сказаў, што калі Google перастане цэнзураваць кітайскі сегмент інтэрнэту, то карпарацыя «будзе несці адказнасць за наступствы» сваіх дзеянняў.
Каментары