Трамп хоча спыніць фінансаванне для ўніверсітэтаў ЗША, дзе адбываюцца пратэсты. З чым нязгодныя студэнты?
Трамп заявіў, што федэральнае фінансаванне ўніверсітэтаў і школ, якія дапускаюць «нелегальныя» пратэсты, будзе спынена. Агітатараў акцый ён прапануе адправіць у турму ці краіну, адкуль яны прыехалі.

«Амерыканскія студэнты будуць назаўсёды выключаныя або, у залежнасці ад злачынства, арыштаваныя», — напісаў прэзідэнт ЗША ў сацыяльнай сетцы Truth.

3 сакавіка адміністрацыя Трампа прыгразіла адклікаць кантракты па дзяржаўным фінансаванні Універсітэта Калумбіі на суму больш за 50 мільёнаў даляраў праз «бяздзейнасць» ВНУ падчас прапалестынскіх пратэстаў.
Міграцыйныя ўказы Трампа могуць прывесці да таго, што мільёны студэнтаў пакінуць універсітэты. Але, як пісаў The New York Times, не ўсе студэнты пачалі пратэставаць адкрыта.
Тыя, хто выказваўся, часта рабілі толькі лісты і заявы. У некаторых выпадках урад прымушаў даследчыкаў і кіраўнікоў універсітэтаў маўчаць, патрабуючы, каб яны не размаўлялі з журналістамі.
Цяпер студэнтаў найбольш хвалюе спыненне праграмы DEI, якая адказвала за развіццё разнастайнасці, роўнасці і інклюзіі ва ўніверсітэтах. Указ аб яе спыненні Трамп падпісаў у студзені.
Студэнты лічаць, што праз гэты ўказ многія рызыкуюць страціць свае стыпендыі. Пратэсты праходзяць па ўсім ЗША, а напрыканцы лютага ў Кентукі студэнты цэлы дзень прысвяцілі акцыям у падтрымку DEI.
Ангус Джонстан, гісторык студэнцкіх пратэстных рухаў і прафесар грамадскага каледжа Хостас, сказаў, што ён не здзіўлены тым, што кампусы здаюцца адносна спакойнымі.
За апошнія 20 гадоў, сцвярджае ён, навучальныя ўстановы ў ЗША ўсё менш і менш паблажліва ставіліся да студэнцкіх пратэстаў, кульмінацыяй якіх стала жорсткае падаўленне пратэстаў вясной 2024 года — у некаторых выпадках з арыштамі паліцыяй. З тых часоў многія ўніверсітэты ўвялі новыя — ці ўзмацнілі наяўныя — правілы, якія абмяжоўваюць, калі, дзе і як студэнты могуць праводзіць дэманстрацыі.
-
У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае
-
Ле Пен: Францыя пры мне не будзе аказваць Украіне новай фінансавай дапамогі, але папярэднія абавязацельствы выканае
-
Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары