У лютым Камітэт дзяржаўнага кантролю правёў гарачую лінію па неэксплутаваных аўтамабілях, пакінутых у дварах жылых дамоў. Цяпер рыхтуюцца прапановы, як з гэтым аўтахламам эфектыўна змагацца.
«Тэма выклікала вялікую цікавасць. За два дні было прынята больш за 180 званкоў. Яшчэ 375 паведамленняў паступіла ў чат-бот тэлеграм-канала Камітэта дзяржкантролю. Паведамленні пра канкрэтныя прыклады, калі месяцамі ў дварах знаходзіліся неэксплутаваныя аўтамабілі, паступілі з усіх рэгіёнаў краіны. Прычым каля паловы — ад жыхароў сталіцы», — адзначаюць у КДК.
Па выніках гарачай лініі ведамства накіравала інфармацыю ў мясцовыя органы ўлады, каб спецыялісты агледзелі ўсе гэтыя аўто і «прынялі аператыўныя меры рэагавання пры пацвярджэнні прыведзеных фактаў».
Пры гэтым пасля атрымання адпаведных паведамленняў асобныя ўладальнікі аўтамабіляў, якія не эксплуатуюцца, нібыта ўжо прыбралі свой транспарт з двароў.
У КДК нагадалі, што цягам 30 дзён уладальнік такога транспарту, які атрымаў паведамленне, павінен альбо самастойна перамясіць яго на ахоўную стаянку, альбо прывесці ў належны стан. Калі гэтага не адбудзецца, то аўтамабіль забярэ на штрафстаянку эвакуатар.
«Неабходна адзначыць, што цяперашняй вясной Камітэт дзяржкантролю правядзе дадатковыя кантрольна-аналітычныя мерапрыемствы па гэтай тэматыцы, па выніках якіх будуць выпрацаваныя прапановы па паляпшэнню арганізацыі працы мясцовых органаў улады, звязанай з пакінутымі ў дварах жылых дамоў неэксплутаванымі аўтамабілямі», — гаворыцца ў паведамленні.
Цяпер чытаюць
Лукашэнка: Што творыцца ў краіне, у нас усе гэтую гусь круцяць6
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары