Легкавікі мясцовай вытворчасці вярнулі лідарства на беларускім аўтамабільным рынку
Рынак продажаў новых легкавых аўтамабіляў дылерамі ў лютым працягнуў свой рост, але ягоныя тэмпы запавольваюцца. Пра гэта паведаміла Беларуская аўтамабільная асацыяцыя.
Паведамляецца, што «продажы новых легкавых аўтамабіляў у мінулым месяцы склалі 4598 адзінак, што на 83% перавышае вынік лютага 2024 года». Адносна студзеня 2025-га продажы выраслі на 11,5%.
Як падкрэслілі эксперты, доля аўтамашын Belgee і Geely беларускай вытворчасці склала 48,3%, «што дазволіла мясцоваму аўтавытворцу вярнуць лідарства на аўтамабільным рынку». Месяцам раней на першае месца вырвалася расійская Lada, упершыню за шмат месяцаў зрушыўшы з яго машыны беларускай зборкі.
«Працягвае расці доля «зялёных аўтамабіляў» у дылерскіх продажах», — адзначылі ў асацыяцыі. У лютым 12,6% сукупных продажаў забяспечылі электрамабілі, уключаючы паслядоўныя гібрыды. А самымі папулярнымі ў беларусаў па-ранейшаму з'яўляюцца аўтамабілі-красоверы, адзначаюць эксперты.
Паведамляецца, што «складскія запасы ў большасці імпарцёраў не перавышаюць 1,5-месячны аб'ём продажаў і, верагодна, будуць вычарпаныя да сярэдзіны вясны».
«Рынак лютаўскіх продажаў — тыповы рынак «пакупніка». Па ўсіх прыкметах такі тып рынку продажаў новых легкавых аўтамабіляў захаваецца і ў найбліжэйшай будучыні», — прагназуюць у асацыяцыі.
Цяпер чытаюць
У пачатку 2000‑х трое настаўнікаў гісторыі збеглі ва Украіну ад «генацыду беларускага народа», які чыніў рэжым Лукашэнкі. Як склаўся іх лёс?12
Каментары
А после синхронизации с РФ всех поборов с желающих купить автомобиль, остался только китай-сарай, либо российский китай-сарай, либо белорусский китай-сарай. С очень туманным гарантийным сопровождением, с очень туманными переспективами покупки запчастей и с очень туманной ликвидностью на вторичном рынке.